Fact Check: ဒီပုံတွေက KIA နဲ့ တပ်မတော်အကြားတိုက်ပွဲဖြစ်ပွားပုံမဟုတ်ပါ

ကချင်လွတ်မြောက်ရေးလက်နက်ကိုင်(Kachin Independence Army)က စစ်ကားတစ်စီးကို ဖောက်ခွဲပြီး စစ်သားသုံးယောက်နဲ့ လက်နက်ခဲယမ်းတွေဖမ်းမိတယ်လို့ ရေးသားထားတဲ့ပို့စ်ကို ဖေ့စ်ဘွတ်အသုံးပြုသူ ထောင်ပေါင်းများစွာက ပြန်လည်မျှဝေထားပါတယ်။ 

သို့သော်လည်း ဓာတ်ပုံတွေဟာ ပြီးခဲ့တဲ့နှစ်များအတွင်း ပျံ့နှံ့ခဲ့ပြီးဓာတ်ပုံတွေဖြစ်ပါတယ်။

လူမှုကွန်ယက် အသုံးပြုသူတွေကို နားလည်မှုလွဲစေနိုင်ပြီး  ပျံ့နှံ့မှုအားကောင်းခဲ့တဲ့ပို့စ်ကို အောက်ပါအတိုင်း တွေ့ရပါတယ်။

“8. 3. 2021 ရက်နေ့ ( 10..30..အချိန်မန်းလေးမူဆယ်လမ်းကြောင်းတွင်  အသင့်စောင့်နေသော KIA. မှ မအလ ကားတစ်စီးနဲ့လော်ဘီသုံးယောက်လက်နှက်ခဲရမ်းများနင့်အတူသိမ်းဆဲလိုက်ကြောင်းသရပါသည်

”လို့ ရေးသားထားတဲ့ပို့စ်ကို “Min Min Oo”အမည်နဲ့ ဖေ့စ်ဘွတ်အသုံးပြုသူက မျှဝေထားပါတယ်။ တူညီစွာရေးသားထားပြီး ပျံ့နှံမှုအား ကောင်းခဲ့တဲ့ပို့တွေကို ဒီနေရာနဲ့ ဒီနေရာမှာလည်း တွေ့ရပါတယ်။

မူရင်းလင်ခ့် – Fb link  |  Archive link 

အချက်အလက်စိစစ်ချက်

ဓာတ်ပုံကို Google မှာ မှာပုံရှာနည်းအသုံးပြုပြီးရှာဖွေရာမှာ စစ်ကားတစ်စီးမီးလောင်နေတဲ့ ဓာတ်ပုံဟာ၂၀၂၀ ခုနှစ် မေမှာ အင်တာနက်မှာပျံ့နှံ့ခဲ့ပြီး ဓာတ်ပုံဖြစ်တာအောက်ပါအတိုင်းတွေ့ရပါတယ်။

ကွတ်ခိုင်မြို့နယ်၊ ပြည်ထောင်စု လမ်းမကြီးအနီးရှိ နမ့်ကွတ်ရွာအနီးဝန်းကျင်တွင် မူဆယ်မှ ဆင်းလာသည့် တပ်မတော်ယာဉ်တန်းကို တအောင်း လက်နက်ကိုင် (Taang National Liberation Army-TNLA)က မိုင်းခွဲတိုက်ခိုက်ခဲ့ရတဲ့ ဓာတ်ပုံလို့ ၂၀၂၀ ခုနှစ် မေလ ၂၉ ရက်စွဲနဲ့  ဧရာဝတီသတင်းဌာနဖော်ပြတဲ့ သတင်းမှာဖော်ပြထားပါတယ်။

မူရင်းလင်ခ့် –  Irrawaddy |  Archive link 

စစ်သား ၃ ယောက်ဒူးထောက်လျက် ရှေ့မှာလက်နက်တွေနဲ့ပုံဟာ ၂၀၁၈ ခုနှစ်က ရခိုင်လက်နက်ကိုင်(Arakan Army-AA)အဖွဲ့က ဖမ်းဆီးထားစဉ်က ရိုက်ထားတဲ့ ဓါတ်ပုံဖြစ်ပါတယ်။

မူရင်းလင်ခ့် –  BBC Burmese |  Archive link 

သေနတ်၊ဗုံးသီးနဲ့ အမြောက်ဆံတွေနဲ့ ဓာတ်ပုံကို အင်တာနက်မှာအစောဆုံးပျံ့နှံ့ခဲ့တဲ့အချိန်ကို ရှာဖွေကြည့်ရာမှာ  ၂၀၁၈ ခုနှစ် ြသဂုတ် ၁၇ ရက်က thefirearmblog.com မှာ စတင်အသုံးပြုထားတာတွေ့ရပါတယ်။

မူရင်းလင်ခ့် –  Thefirearmblog.com |  Archive link 

သုံးသပ်ချက်

အထက်ပါအချက်အလက်အရ အင်တာနက်မှာပျံ့နှံ့ခဲ့ပြီးဖြစ်တဲ့ ဓာတ်ပုံတွေကိုအသုံးပြုပြီး  KIA က စစ်ကားတစ်စီးကို ဖောက်ခွဲပြီး စစ်သားသုံးယောက်ကို လက်နက်ခဲယမ်းတွေနဲ့ ဖမ်းဆီးရမိတဲ့ ဓာတ်ပုံအဖြစ်ဖော်ပြထားခြင်းဖြစ်ပါတယ်။