ဒေါ်အောင်ဆန်းစုကြည်နေပြည်တော်အချုပ်ထောင်ကို ပို့ဆောင်မှုဓာတ်ပုံလို့ဆိုတဲ့ ဓာတ်ပုံတစ်ပုံဖေ့စ်ဘွတ် အသုံးပြုသူတွေ အကြားမှာပျံ့နှံ့ခဲ့ပါတယ်။ ဇွန် ၂၂ ရက်မှာ ဒေါ်အောင်ဆန်းစုကြည်ကို မူလကထားရှိတဲ့နေရာကနေ နေပြည်တော်က အချုပ်ထောင်တစ်ခုရဲ့ သီးသန့်အဆောင်တစ်ခုကို စစ်တပ်က ပြောင်းရွှေ့ခဲ့အပြီးမှာ ဒီလို လူမှုကွန်ယက်မှာပျံ့နှံ့တာဖြစ်ပါတယ်။
တကယ်တော့ ၂၀၁၉ ခုနှစ်အတွင်း သင်္ကြန်ကာလအတွင်းက မြင်ကွင်းနဲ့တူညီတာတွေ့ရပါတယ်။
“ခုလက်ရှိ ပုံလို့သိရပါတယ်…😔😔😔
ယနေ့ နေ့လည် (၂)နာရီခန့်က
နေပြည်တော် အချုပ်ထောင်ပို့ဆောင်လိုက်ပါပီ”စသည်ဖြင့် ရေးသားပြီး “Min Kaung Pyae”အမည်နဲ့ ဖေ့စ်ဘွတ် အသုံးပြုသူက အောက်ပါအတိုင်းမျှဝေထားပါတယ်။
မူရင်းလင်ခ့် – FB link | Archive link
တူညီတဲ့ရေးသားမျှဝေမှုတွေကို ဒီနေရာ၊ဒီနေရာနဲ့ ဒီနေရာမှာလည်းတွေ့ရပါတယ်။
အချက်အလက်စိစစ်ချက်
ဖေ့စ်ဘွတ်မှာ အဓိကျတဲ့ စကားလုံးအချို့ဓာတ်ပုံကို ရှာဖွေကြည့်ရာမှာ ဒီဓာတ်ပုံဟာ ဓာတ်ပုံဟောင်းတစ်ခုဖြစ် တယ်ဆိုပြီးတော့ လူမှုကွန်ယက်အသုံးပြုသူအချို့ကမှတ်ချက်ပြုကြသလို ဓာတ်ပုံ ၂ ပုံကို ယှဉ်ပြီးဖော်ပြနေကြတာ တွေ့ရပါတယ်။ ဒီလင့်ခ်မှာကြည့်ပါ။
ဒီဓာတ်ပုံ ၂ ပုံထဲက တစ်ပုံဟာ ဒေါ်အောင်ဆန်းစုကြည် သပြေပန်းနဲ့ရေပက်ဖြန်းနေတဲ့ပုံကို အနီးကပ်လုပ်ယူ ဖြတ်ထုတ်ထားပုံအဖြစ်ဖော်ပြနေတာဖြစ်ပါတယ်။
Fact Crescendo Myanmar အနေနဲ့ ထပ်မံပြီး ယူကျူ့(Youtube)အဓိကကျတဲ့စကားလုံးအချို့အသုံးပြုပြီးရှာ ဖွေရာမှာ DVB TV News က ၂၀၁၉ ခုနှစ်၊ ဧပြီ ၁၄ ရက်စွဲနဲ့ဖော်ပြတဲ့ “နေပြည်တော် တိုက်ချီတိုမဏ္ဍပ်မှာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်း စုကြည် သင်္ကြန်အကြိုနေ့ ရေကစားမှု မြင်ကွင်း။”ဆိုတဲ့ ရုပ်သံဖိုင်ပါ မြင်ကွင်းနဲ့ နီးစပ်တူညီတာ တွေ့ရပါတယ်။ အောက်ပါပုံတွေကတော့ ဒီဗွီဒီယိုပါ မြင်ကွင်းကို INVID ဆော့ဖ်ဝဲလ်အသုံးပြုပြီး ရလာတဲ့ ဗွီဒီယိုထဲကမြင်ကွင်းတွေပဲဖြစ်ပါတယ်။
မူရင်းလင်ခ့် – DVB TV News | Archive link
သုံးသပ်ချက်
ဒေါ်အောင်ဆန်းစုကြည်ကို နေပြည်တော်အချုပ်ထောင်ပို့တဲ့ဓာတ်ပုံအဖြစ်မျှဝေနေတဲ့ဓာတ်ပုံဟာ ၂၀၁၉ ခုနှစ်သင်္ကြန်ကာလအတွင်းက မြင်ကွင်းဗွီဒီယိုနဲ့တူညီတာတွေ့ရှိရပါတယ်။
Title:Fact Check: ဒေါ်အောင်ဆန်းစုကြည်ကို အချုပ်ထောင်ပို့တဲ့နေ့မြင်ကွင်းအဖြစ် ဖော်ပြနေတဲ့ ဓာတ်ပုံဟာ ၂၀၁၉ ခုနှစ် သင်္ကြန်က ဓာတ်ပုံသာဖြစ်တယ်
Fact Check By: Nayar MaungResult: Missing Context
