ဆမ်ဆောင်း(SAMSUNG)မွေးနေ့ အထိမ်းအမှတ် ဖုန်းအသစ် အလုံး ၉၈၀ ပေးမယ်လို့ ဆိုလိုထားတဲ့ ပို့စ်တွေ ဖေ့စ်ဘွတ် အသုံးပြုသူတွေအကြား ပျံ့နှံ့နေတာဟာ သတင်းမှား ဖြန့်ဝေနေခြင်းဖြစ်တာတွေ့ရတယ်။
ဩဂုတ် ၅ ရက်က ဖြန့်ဝေခဲ့ပြီး ပျံ့နှံ့မှုအားကောင်းနေတဲ့ ဖေ့စ်ဘွတ်ပို့စ်စခရင်ရှော့နဲ့ ပို့စ်ပါစာသားကောက်နုတ်ကို အောက်မှာ ကြည့်ပါ။ အလား တူညီတဲ့ရေးသားမျှဝေမှုကို ဒီစာမျက်နှာကပဲ ဇူလိုင် ၄ ရက်က ဖြန့်ဝေခဲ့ရာမှာတော့ ပြန်လည်မျှဝေမှုပေါင်း ၃၆၀၀ ကျော်ရရှိခဲ့တယ်။ ဒီမှာကြည့်ပါ။ ပဟေဠိဖြေဆိုနိုင်သူတွေကို ဆမ်ဆောင်းက ဖုန်းလက်ဆောင်တွေပေးနေတယ်ဆိုပြီးတော့ မျှဝေခဲ့ပါသေးတယ်။
“SAMSUNG မွေးနေ့ အထိမ်းအမှတ်။ *SAMSUNG* သည် 2024 ခုနှစ် ဩဂုတ်လ 12 ရက်မတိုင်မီ “Happy Birthday” ကိုဆန္ဒပြုလိုသူတိုင်းထံ Samsung ဖုန်းအသစ် 980 လုံးကို လက်ဆောင်ပေးပါသည်။
@pengikut”
မူရင်းလင်ခ့် – Fb link | Archive link
အချက်အလက်စိစစ်ချက်
ဒီလိုကြော်ငြာမှုတွေကို ဖုန်းထုတ်လုပ်တဲ့ ဆမ်ဆောင်း(SAMSUNG)ကုမ္ပဏီရဲ့ တရားဝင် လူမှုကွန်ယက် အကောင့် တွေ(ဒီလင့်ခ်နဲ့ ဒီလင့်ခ်)မှာ ကြော်ငြာနေတာမတွေ့ရပါဘူး။
၂၀၂၃ ခုနှစ် ဒီဇင်ဘာက စတင်ဖွင့်လှစ်ခဲ့တဲ့ ဒီဖေ့စ်ဘွတ်စာမျက်နှာဟာ SAMSUNG အမှတ်တံဆိပ်အသုံးပြုပြီး ပဟေဠိဖြေဆိုနိုင်သူတွေကို ဖုန်းလက်ဆောင် ပေးမယ်၊ မွေးနေ့လက်ဆောင် ဖုန်းတွေပေးမယ်ဆိုပြီး မျှဝေမှုတွေနဲ့ လိမ်လည်လှည့်ဖြား ရေးသားချက်တွေကလွဲ လို့ မူလဖုန်းထုတ်လုပ်တဲ့ ကုမ္ပဏီနဲ့ သက်ဆိုင်တဲ့အထောက် အထားလည်း မတွေ့ရပါဘူး။
ဒီလိုပဲ ၂၀၂၃ ခုနှစ်ထဲမှာ ပဟေဠိဖြေဆိုနိုင်သူတွေကို ဆမ်ဆောင်းက ဖုန်းလက်ဆောင်တွေပေးနေတယ်ဆိုပြီး ရေးသားဖြန့်ဝေမှုနဲ့ ပတ်သက်ပြီး Fact Crescendo Myanmar ကအချက်အလက်စိစစ်ဖော်ပြခဲ့ပြီးဖြစ်ပါတယ်။ ဒီလင့်ခ်မှာ ကြည့်ပါ။
သုံးသပ်ချက်
ဆမ်ဆောင်းက ဖုန်းလက်ဆောင်တွေပေးနေတယ်ဆိုပြီး ဖေ့စ်ဘွတ်မှာ ဖြန့်ဝေနေတာတွေဟာ SAMSUNG အမှတ်တံဆိပ်အသုံးပြုပြီး လိမ်လည်လှည့်စားထားခြင်းသာဖြစ်တယ်။ ဒီလိုကြေညာမှုမျိုးကို ဆမ်းဆောင် ကုမ္ပဏီက စီမံခန့်ခွဲနေတဲ့ တရားဝင်လူမှုကွန်ယက်စာမျက်နှာတွေမှာ ဖော်ပြချက်မရှိပါဘူး။
ပြောဆိုချက်- မွေးနေ့ အထိမ်းအမှတ်အဖြစ် SAMSUNG က ဖုန်းအသစ် အလုံး ၉၈၀ ပေးမယ်
Title:Fact Check: SAMSUNG မွေးနေ့ အထိမ်းအမှတ် ဖုန်းအသစ် အလုံး ၉၈၀ ပေးမယ်ဆိုတဲ့ သတင်းတု
Fact Check By: Zun ZeeResult: False
