စစ်တပ်က စစ်ကားမိုင်းထိတဲ့ ဓာတ်ပုံအဖြစ် ယာဉ်တစ်စီးမီးလောင်နေတဲ့ပုံကို ဖေ့စ်ဘွတ်အသုံးပြုသူ အများ အပြားက ကြိမ်ဖန်များစွာပြန်လည်မျှဝေလျှက်ရှိပါတယ်။
သို့သော်လည်း ဓာတ်ပုံဟာ ၂၀၁၉ ခုနှစ်ကတည်းကအင်တာနက်မှာပျံ့နှံ့လျက်ရှိတဲ့ ဓာတ်ပုံဖြစ်ပြီး အမေရိကန် နိုင်ငံက စစ်ယာဉ်တစ်စီးမီးလောင်မှုဓာတ်ပုံဖြစ်ပါတယ်။
တန့်ဆည်မြို့နယ်မှာ စစ်ကားမိုင်းခွဲခံရတဲ့ ဓာတ်ပုံအဖြစ် “Yu Yu Hlaing”အမည်နဲ့ဖေ့စ်ဘွတ်အသုံးပြုသူက စက်တင်ဘာ ၃ ရက်က မျှဝေထားရာ ဒီဓာတ်ပုံကို မျှဝေထားရာမှာ ပြန်လည်မျှဝေတဲ့အကြိမ်အရေအတွက် ၁ ထောင် ၂ ရာရှိပါတယ်။ ပို့စ်မှာ “အကျကျကျတော့ ဇော်မဲလုံးမြင်အောင်ပြရမယ် တန်ဆည်နယ်က တွယ်လိုက်တဲ့ စခကား ။”လို့ရေးသားထားပါတယ်။ဒီဓာတ်ပုံပါဝင်ပြီး တူညီတဲ့ရေးသားမျှဝေမှုတွေကို ဒီနေရာ၊ဒီနေရာ၊ ဒီနေရာ၊ဒီနေရာနဲ့ ဒီနေရာမှာတွေ့ရပါတယ်။
မူရင်းလင်ခ့် – Fb link | Archive link
ထို့အပြင် အောက်တိုဘာလထဲမှာ မုံရွာမှာ စစ်ကားမိုင်းထိတဲ့ ဓာတ်ပုံအဖြစ် ဒီနေရာ၊ဒီနေရာ၊ဒီနေရာ၊ဒီနေရာနဲ့ ဒီနေရာတွေမှာ ပျံ့နှံ့ခဲ့တာတွေ့ရပါတယ်။
မူရင်းလင်ခ့် – Fb link | Archive link
အဓိကကျတဲ့စကားလုံးတွေ အသုံးပြုပြီး ရှာဖွေကြည့်တဲ့အခါ ဒီဓာတ်ပုံကို abc 10 News San Diego အမည်နဲ့ သတင်းဌာနက ၂၀၁၉ ခုနှစ် စက်တင်ဘာ ၆ ရက်က ဖော်ပြခဲ့တဲ့ သတင်းတစ်ပုဒ်မှာအသုံးပြုထားတာ တွေ့ရပါတယ်။
သတင်းရဲ့ ခေါင်းစီးပိုင်းစာသားအဖြစ် “အမေရိကန် မရိန်းတပ်ဖွဲ့ယာဉ်တစ်စီးဟာ အိုရှန်းဆိုဒ် ပြည်နယ်ချင်း ဆက်လမ်းအမှတ် ၅ ပေါ်မှာ ပေါက်ကွဲမှုဖြစ်ပွားပြီး မီးလောင်ကျွမ်းခဲ့”လို့ရေးသားထားပါတယ်။ နေ့လယ် ၁ နာရီလောက်မှာ အသေးစားပေါက်ကွဲမှုတွေနဲ့အတူ စစ်ကားတစ်စီး မီးလောင်နေတဲ့အကြောင်း မျက်မြင်တစ် ယောက်က သတင်းပို့ခဲ့တယ်လို့ အိုးရှန်းဆိုဒ်မီးသတ်ဌာနအကြီးအကဲ ပီတီလောရန်စ်(Pete Lawrence) ကပြောကြောင်းလည်း ဒီသတင်းမှာ ကိုးကားရေးသားထားပါတယ်။
မူရင်းလင်ခ့် – 10 News San Diego | Archive link
nbcsandiego အမည်နဲ့သတင်းဌာနကလည်း ၂၀၁၉ ခုနှစ် စက်တင်ဘာ ၆ ရက်က ဒီသတင်းကို ဖော်ပြခဲ့တာ တွေ့ရပါတယ်။
အမေရိကန် မရိန်းတပ်က စစ်ကားမီးလောင်မှုဓာတ်ပုံနဲ့ တန့်ဆည်မှာ မိုင်းထိတဲ့ကားဓာတ်ပုံကို အောက်ပါအတိုင်း ယှဉ်ကြည့်နိုင်ပါတယ်။
သုံးသပ်ချက်
အထက်ပါအချက်အလက်အရ တန့်ဆည်မှာ စစ်ကား မိုင်းခွဲခံရမှုအဖြစ် မျှဝေနေတဲ့ ဓာတ်ပုံဟာ ၂၀၁၉ ခုနှစ် စက်တင်ဘာ ၆ ရက်က အမေရိကန်နိုင်ငံ ဆန်ဒီရေဂိုမှာ မရိန်းတပ်ဖွဲ့က စစ်ကားတစ်စီးမီး လောင်မှု ဓာတ်ပုံဖြစ်ပါတယ်။
Title:၂၀၁၉ ခုနှစ်က အမေရိကန်မရိန်တပ်ဖွဲ့က ကုန်တင်ယာဉ်မီးလောင်မှုကို တန့်ဆည်မှာ စစ်ကားမိုင်းထိပုံအဖြစ်မျှဝေ
Fact Check By: Nayar MaungResult: False
