Author: နေရာမောင်

Fact Check: မုံရွာနည်းပညာတက္ကသိုလ်ကျောင်းသားတွေရဲ့ တပ်မတော်ထောက်ခံပွဲ ဆိုတဲ့ သတင်းတုသတင်းမှားဖြန့်ဝေ

နေရာမောင်Leave a Comment on Fact Check: မုံရွာနည်းပညာတက္ကသိုလ်ကျောင်းသားတွေရဲ့ တပ်မတော်ထောက်ခံပွဲ ဆိုတဲ့ သတင်းတုသတင်းမှားဖြန့်ဝေ

မုံရွာနည်းပညာတက္ကသိုလ်မှကျောင်းသား၊ကျောင်းသူတွေရဲ့ တပ်မတော်ထောက်ခံပွဲလို့ရေးသားပြီး ဦးထုတ် အဖြူ ဆောင်းထားတဲ့လူငယ်အများအပြား စီတန်းလှည့်လည်နေတဲ့ ဓာတ်ပုံတစ်ပုံကို ဖေ့စ်ဘွတ် အသုံးပြုသူ ထောင်ဂဏန်းက ပြန်လည်မျှဝေလျှက်ရှိပါတယ်။  တကယ်တော့ ဓာတ်ပုံဟာ ၂၀၂၁ ခုနှစ်က စစ်တပ်က အာဏာသိမ်းဆန္ဒပြပွဲတစ်ခုက ဓာတ်ပုံဖြစ်ပါတယ်။ “မုံရွာနည်းပညာတက္ကသိုလ်မှကျောင်းသား/ကျောင်းသူများ တပ်မတော်ထောက်ခံပွဲတွင်ပဲဝင်ဆင်နွဲ ပညာတတ်တွေပဲ တပ်မတော်ထောက်ခံတယ် နီးပေါတေသိဘို့”လို့  တူညီတဲ့မျှဝေမှုတွေကို ဒီနေရာ၊ဒီနေရာ၊ဒီနေရာနဲ့ ဒီနေရာမှာလည်းတွေ့ရပါတယ်။ မူရင်းလင်ခ့် – Fb link |  Archive link ဓာတ်ပုံထဲမှာ “နည်းပညာတက္ကသိုလ် (မုံရွာ) ကျောင်းသားကျောင်းသူဟောင်းများ”လို့ရေးသားထား တာတွေ့ရပါတယ်။ အချက်အလက်စိစစ်ကြည့်ရအောင်ပါ။ အချက်အလက်စိစစ်ချက် Google မှာ ပုံရှာနည်းအသုံးပြုပြီး ဓာတ်ပုံကို ရှာဖွေကြည့်ရာမှာ ၂၀၂၁ ခုနှစ် ဖေဖော်ဝါရီ ၁၀ ရက်ကတည်းက အွန်လိုင်းမှာပျံ့နှံ့လျက်ရှိတာ အောက်ပါအတိုင်းတွေ့ရပါတယ်။ “Kay Thi Win”အမည်နဲ့ […]

Continue Reading

Fact Check: ​ လှိုင်သာယာ epc ရုံး ဗုံးခွဲခံရတဲ့ဓာတ်ပုံလား-မဟုတ်ပါ

နေရာမောင်Leave a Comment on Fact Check: ​ လှိုင်သာယာ epc ရုံး ဗုံးခွဲခံရတဲ့ဓာတ်ပုံလား-မဟုတ်ပါ

​လှိုင်သာယာ epcရုံး ဗုံးခွဲမှုလို့ရေးသားပြီး လမ်းမထက်ကနေ လှမ်းမြင်နေတဲ့ မီးခိုးမည်းတွေဖုံးအုပ်နေတဲ့ ဓာတ်ပုံတစ်ပုံကို ဖေ့စ်ဘွတ်အသုံးပြုသူအများအပြားကပြန်လည်မျှဝေလျှက်ရှိတာတွေ့ရပါတယ်။ သို့သော် ဒီဓာတ်ပုံဟာ ၂၀၂၁ ခုနှစ် မတ်လထဲမှာ လှိုင်သာယာက ဆန္ဒပြအတားအဆီးတွေကို မီးရှို့ထားပုံ ဖြစ်ပါတယ်။ “လှိုင်သာယာ epcရုံး🍍🍍🍍 မင်္ဂလာမနက်ခင်းပါ။  29.1.2022”လို့ရေးသားပြီး “အောင်ကျော် မင်း”အမည်နဲ့ဖေ့စ်ဘွတ်အသုံးပြုသူက ဇန်နဝါရီ ၂၉ ရက်က မျှဝေထားရာမှာ ၃ နာရီအတွင်း ဒီပို့စ်ကို ပြန်လည်မျှဝေမှုပေါင်း ၃၀၀ ဝန်းကျင်ရှိပါတယ်။ မူရင်းလင်ခ့် – Fb link |  Archive link တူညီတဲ့ရေးသားမျှဝေထားတာတွေကို  ဒီနေရာ၊ဒီနေရာ၊ဒီနေရာ၊ဒီနေရာနဲ့ ဒီနေရာ မှာလည်းတွေ့ရပါတယ်။ အချက်အလက်စိစစ်ချက် လှိုင်သာယာရွှေလင်ဗန်း EPC ရုံးနဲ့ စက်မှု့ဇုန်(EPC)ရုံးကိုတော်လှန်ရေးအဖွဲ့ ၄ ဖွဲ့ပေါင်းပြီးဖောက်ခွဲခဲ့တယ်လို့ ပါဝင်တဲ့အဖွဲ့ ၄ ဖွဲ့ထဲက တစ်ဖွဲ့ဖြစ်တဲ့ […]

Continue Reading

Fact Check: ဖေ့စ်ဘွတ်မှာ Gg လို့ရိုက်လို့ ပန်းရောင်ပြောင်းတာ အကောင့်လုံခြုံရေးနဲ့ မဆိုင်ပါ

နေရာမောင်

​ ဖေ့စ်ဘွတ်ပို့စ်အကောင့်လုံခြုံမှုရှိမရှိစစ်နည်းဆိုပြီးတော့ ပို့စ်တစ်ခုဟာ ဖေ့စ်ဘွတ်အသုံးပြုသူများအကြား ကြိမ်ဖန် များစွာမျှဝေလျက်ရှိတာတွေ့ရပါတယ်။ ပျံ့နှံ့လျက်ရှိတဲ့ ပို့စ်တွေမှာ အကောင့်တစ်ခုဟာ ဖေ့စ်ဘွတ် အကောင့် တစ်ခုလုံခြုံမှုရှိမရှိ ဖေ့စ်ဘွတ်အကောင့်မှာ Gg လို့ရိုက်ကြည့်ခြင်းအားဖြင့် သိရှိနိုင်တယ်လို့ ရေးသားထားပြီး အခြားသော ဖေ့စ်ဘွတ်အသုံးပြုသူများအတွက် အကြံပြုချက်အချို့ပါဝင်ပါတယ်။ “Acc မကြာခဏစစ်ပါ။ အခုတလောမှာ facebookဟာ VPN တွေကြောင့် ခဏခဏLock ကျတတ်ပါတယ် Facebook Acc စစ်ဖို့မပျင်းပါနဲ့ Gg လို့ မန့်ထဲမှာ ရိုက်ကြည့်လိုက်ပါ။ Gg က ပန်းရောင်ပြောင်းသွားရင် အကောင့်လုံခြုံပါတယ်”လို့ ရေးသားထားပြီး “အကြည်တော်” အမည်နဲ့ဖေ့စ်ဘွတ်အသုံးပြုသူကမျှဝေထားရာမှာ ဒီပို့စ်ကို ပြန်လည်မျှဝေမှုပေါင်း ၁၉၀၀ ရှိပါတယ်။  အလားတူရေးသားဝေမှုတွေကို ဒီနေရာ၊ဒီနေရာ၊ဒီနေရာ၊ဒီနေရာ၊ဒီနေရာနဲ့ ဒီနေရာမှာလည်းတွေ့ရပါတယ်။ မူရင်းလင်ခ့် – Fb link |  Archive […]

Continue Reading

Fact Check: စစ်တပ်တင့်ကားကို အသေခံဗုံးခွဲခဲ့တဲ့ ဗိုလ်ဂဠုန်ဓာတ်ပုံလား-မှားနေပါတယ်

နေရာမောင်Leave a Comment on Fact Check: စစ်တပ်တင့်ကားကို အသေခံဗုံးခွဲခဲ့တဲ့ ဗိုလ်ဂဠုန်ဓာတ်ပုံလား-မှားနေပါတယ်

​စစ်တပ်က တင့်ကားတွေကို အသေခံဗုံးခွဲခဲ့တဲ့ PDF ကဗိုလ်ဂဠုန်ဆိုပြီးတော့ ဖေ့စ်ဘွတ်အသုံးပြုသူ အများ အပြားက အမျိုးသားတစ်ယောက်ရဲ့ ဓာတ်ပုံကို ပြန်လည်မျှဝေလျှက်ရှိတွေ့ရပါတယ်။ ပျံ့နှံ့လျက်ရှိတဲ့ ပို့စ်တွေမှာ အမျိုးသားတစ်ယောက်ရဲ့ ဓာတ်ပုံနှင့် အတူ ကျေးလက်ဒေသကွင်းပြင်တစ်ခုမှာ မီးလောင်နေတဲ့ တင့်ကားတစ်စီး အပါအဝင် တင့်ကားသုံးစီးရဲ့ဓာတ်ပုံပါဝင်ပြီး အသေခံဗုံးခွဲခဲ့တဲ့ ဗိုလ်ဂဠုန်ကို ချီးကျူးဂုဏ်ပြုတယ်လို့လည်း ရေးသားထားပါတယ်။ သို့သော်လည်း ဓာတ်ပုံဟာ မြန်မာနိုင်ငံနဲ့သက်ဆိုင်ခြင်းမရှိဘဲ ဗီယက်နမ်က မတူညီတဲ့ ဖြစ်ရပ်နှစ်ခုက ဓာတ်ပုံကို ပေါင်းစပ်ဖော်ပြထားခြင်းဖြစ်တာတွေ့ရပါတယ်။ ” ပြည်သူတွေ အကြမ်းဖက်သောင်းကျန်းသူ သူပုန်မအလကို ဘယ်လောက်ရွံ့မုန်းနေပြီလဲ။ အသေခံဗုံးခွဲတာတွေ စပြီ။ ဒီပဲယင်းနဲ့ ဘုတလင်ကြားက မောင်းထောင် ဘက်မှာ PDF တွေကို လာတိုက်တဲ့ အကြမ်းဖက်သောင်းကျန်းသူ သူပုန် မအလ တင့်ကားတွေဆီ မကြောက်မရွံ့နဲ့ အသေခံဗုံးခွဲပေးခဲ့တဲ့ မောင်းထောင်သား ဗိုလ်ဂဠုန်ပါ။ […]

Continue Reading

Fact Check: တောင်ငူလေတပ်ထဲကို SU-30 SME အစီးရေ ၃၀ ကျော်ဆင်းတဲ့ပုံလား-မဟုတ်ပါ

နေရာမောင်Leave a Comment on Fact Check: တောင်ငူလေတပ်ထဲကို SU-30 SME အစီးရေ ၃၀ ကျော်ဆင်းတဲ့ပုံလား-မဟုတ်ပါ

​တောင်ငူလေတပ်ထဲကို ရုရှားလုပ် SU-30 တိုက်လေယာဉ်အစီးရေ ၃၀ ကျော်ဆင်းလာတဲ့ပုံဆိုပြီးတော့ ဓာတ်ပုံ တစ်ပုံကို ဖေ့စ်ဘွတ်အသုံးပြုသူ အတော်များများက မျှဝေခဲ့တာတွေ့ရပါတယ်။ ဓာတ်ပုံထဲမှာ အပြာရောင်လွှမ်းမိုး တဲ့ တိုက်လေယာဉ် အတော်များများ တန်းစီရပ်ထားတဲ့ မြင်ကွင်းပါတယ်။ သို့သော်လည်း ဓာတ်ပုံဟာ ရုရှားနိုင်ငံထဲက မြင်ကွင်းတစ်ခုသာဖြစ်တာတွေ့ရပါတယ်။ “တပခ. လေတပ်ထဲကို…ည.၉နာရီကတဲ.ဆင်လာတဲ့ SU-30 SME. လေယာဉ်အုပ်စု..အစီး..၃၀.ကျော်နေပြီ အစီးရေ..၅၀ ဆင်းမယ်တဲ့ရုရှားက..ပို့လာတဲ့ လေယာဉ်တွေ 18-1-22 Sittway Thitsar ….ကရင်ပြည်နယ် MinThwe #crd”လို့ရေးသားပြီး “စစ်ပြန် ကို မြင့်”အမည်နဲ့ဖေ့စ်ဘွတ်အသုံးပြုသူက မျှဝေထားတာတွေ့ရပါတယ်။ တပခ ဆိုတာကတော့ တောင်ငူအခြေစိုက် တောင်ပိုင်းတိုင်းစစ်ဌာနချုပ်ကို အတိုခေါက်ခေါ်ဆိုတာဖြစ်ပါတယ်။ တူညီတဲ့ရေးသားဝေမှုတွေကို ဒီနေရာ၊ဒီနေရာ၊ဒီနေရာနဲ့ ဒီနေရာမှာလည်းတွေ့ရပါတယ်။ မူရင်းလင်ခ့် – Fb link |  Archive link […]

Continue Reading

Fact Check: အာဏာဖိဆန်တဲ့ ဗိုလ်ချုပ်ဦးဆောင်တဲ့ PDFတွေက စစ်စခန်းကို တိုက်ခိုက်လို့ သတင်းတုဖြန့်

နေရာမောင်Leave a Comment on Fact Check: အာဏာဖိဆန်တဲ့ ဗိုလ်ချုပ်ဦးဆောင်တဲ့ PDFတွေက စစ်စခန်းကို တိုက်ခိုက်လို့ သတင်းတုဖြန့်

အာဏာဖိဆန်တဲ့ ဗိုလ်မှူးချုပ်တစ်ယောက်ဦးဆောင်တဲ့ PDF အထူးကွန်မန်ဒိုတပ်တွေက စစ်စခန်းကို ဝင်ရောက် တိုက်ခိုက်သိမ်းဆည်းရမိတဲ့ လက်နက်ခဲယမ်းတွေဆိုပြီးတော့ ဓာတ်ပုံ ၁၂ ပုံကို ဖေ့စ်ဘွတ် အသုံးပြုသူရာဂဏန်း က ပြန်လည်မျှဝေခဲ့ကြတာတွေ့ရပါတယ်။ သို့သော်လည်း ဓာတ်ပုံတွေဟာ စစ်အာဏာသိမ်းဆန့်ကျင်တဲ့ တပ်ဖွဲ့တွေက အာဏာသိမ်းစစ်တပ်ကို တိုက်ခိုက် ခဲ့တဲ့ ဓာတ်ပုံမှတ်တမ်းတွေဖြစ်တာမှန်ပေမဲ့ အာဏာဖိဆန်ရေး ဗိုလ်မှူးချုပ်တစ်ယောက်ဦးဆောင်တဲ့ တိုက်ခိုက်မှု ဆိုတဲ့ အထောက်အထားမတွေ့ရပါတယ်။ “CDMဗိုလ်မှူးချုပ်သူရအောင်ဝင်းထွန်း(တိုင်းစစ်ဌာနချုပ်-ဗျူဟာမှူး)ဦးစီးသောVIP PDFအထူးကွန်မန်ဒိုတပ်များနှင့် ဒေသခံPDFများမှစစ်ကောင်စီတပ်စခန်းများအားဝင်ရောက်တိုက်ခိုက်ပြီးနောက်သိမ်းဆည်းရမိသောလက်နက်ခဲယမ်းများနှင့်ပစ္စည်းမျိုးစုံဖြစ်ပါသည်။”လို့ရေးသားပြီး ကောင်းကင်ထက်က ကြယ်တစ်ပွင့်အမည်နဲ့ ဖေ့စ်ဘွတ် အသုံးပြုသူက မျှဝေထားရာမှာ ပြန်လည်မျှဝေမှုပေါင်း ၂၀၀ ကျော်ရှိပါတယ်။ အလားတူရေးသားမျှဝေမှုတွေကို ဒီနေရာ၊ဒီနေရာ၊ဒီနေရာနဲ့ ဒီနေရာမှာလည်းတွေ့ရပါတယ်။ မူရင်းလင်ခ့် – Fb link |  Archive link  အချက်အလက်စိစစ်ချက် ပထမဆုံးအနေနဲ့ အဓိကကျတဲ့စကားလုံးအချို့အသုံးပြုပြီး အကြောင်းအရာကို ရှာဖွေကြည့်ရာမှာ ဗိုလ်မှူးချုပ် […]

Continue Reading

Fact Check: ထန်တလန်မီးရှို့ခံရမှုမြင်ကွင်းကို လွိုင်ကော်မြို့ကမြင်ကွင်းအဖြစ်ပျံ့နှံ့

နေရာမောင်Leave a Comment on Fact Check: ထန်တလန်မီးရှို့ခံရမှုမြင်ကွင်းကို လွိုင်ကော်မြို့ကမြင်ကွင်းအဖြစ်ပျံ့နှံ့

ကယားပြည်နယ်မှာ စစ်တပ်ကလေကြောင်းတိုက်ခိုက်ခဲ့တဲ့ သတင်းတွေနဲ့အတူ လွိုင်ကော်မြို့အခြေအနေဆိုပြီး ဝေဟင်ကရိုက်ထားတဲ့ မီးဆွဲလောင်ပြီး မီးခိုးတန်းထွက်နေတဲ့ မြို့ပြမြင်ကွင်းကို ဖေ့စ်ဘွတ်အသုံးပြုသူ ထောင် ဂဏန်းက ဖေ့စ်ဘွတ်မှာမျှဝေခဲ့တာတွေ့ရပါတယ်။ ဒီဓာတ်ပုံမြင်ကွင်းနဲ့အတူ ကလေးငယ်ကို ချီပွေ့လျှက် သစ်ပင်ကို အကာအကွယ်ယူနေတဲ့ အမျိုးသမီး၊ သက်ကြီးရွယ်အိုတစ်ယောက်ကို ပျောက်ကျား ဝတ်စုံဝတ်လူ ငယ်တစ်ယောက်က ထမ်းပိုးလာဟန် ဓာတ်ပုံ ၂ ပုံလည်း ပြန်လည်မျှဝေလျှက်ရှိပါတယ်။  သို့သော်လည်း ဓာတ်ပုံ ၃ ပုံထဲက မီးလောင်နေတဲ့မြင်ကွင်းဓာတ်ပုံဟာ အောက်တိုဘာလထဲမှာ ထန်တလန်မြို့ မီးရှို့ခံရမှုဖြစ်စဉ်က ဓာတ်ပုံဖြစ်တာတွေ့ရပါတယ်။ “ဒါက Loikaw မြို့ မင်းတို့မြို့မဟုတ်ဘူး ကျော်သွားနော😭 #kayahstate💔”လို့ရေးသားပြီး “Khun Oo Reh”အမည်နဲ့ဖေ့စ်ဘွတ်အသုံးပြုသူက မျှဝေထားရာမှာ ဒီပို့စ်ကို ပြန်မျှဝေမှုပေါင်း ၁၈၀၀ ရှိပါတယ်။ အလားတူမျှဝေမှုတွေကို ဒီနေရာ၊ဒီနေရာ၊ဒီနေရာနဲ့ ဒီနေရာမှာလည်းတွေ့ရပါတယ်။ မူရင်းလင်ခ့် – […]

Continue Reading

Fact Check: တမူးပြည်သူ့ကာကွယ်ရေးတပ်က မိုင်းခွဲတိုက်ခိုက်မှုဖြစ်စဉ်ကို အသုံးပြုပြီး သတင်းမှားဖြန့်

နေရာမောင်Leave a Comment on Fact Check: တမူးပြည်သူ့ကာကွယ်ရေးတပ်က မိုင်းခွဲတိုက်ခိုက်မှုဖြစ်စဉ်ကို အသုံးပြုပြီး သတင်းမှားဖြန့်

တမူးပြည်သူ့ကာကွယ်ရေးတပ်ဖွဲ့(PDF)က အရပ်ဝတ်နဲ့ ရဲတွေလိုက်ပါတဲ့ ကားတစ်စီးကို မိုင်းခွဲတိုက်ခိုက်မှု ဖြစ်စဉ်ဟာ ဖေ့စ်ဘွတ်မှာပျံ့နှံ့မှု အားကောင်းခဲ့ပြီးနောက် ဒီဓာတ်ပုံတွေကို အသုံးပြုပြီး သတင်းမှားဖြန့်ဝေလျှက် ရှိတာတွေ့ရပါတယ်။  “စစ်ကိုင်းတိုင်း၊ တမူးခရိုင်၊ ကလေး-တမူးလမ်းပိုင်း အာရှလမ်းမပေါ်တွင်ရဲတပ်ဖွဲ့ အယောင်ဆောင် အကြမ်းဖက် PDF အဖွဲ့ အားမြန်မာတပ်မတော် ကွန်မန်ဒို ၃ဦးမှ့ လက်ရဖမ်းဆီးရရှိ့ ၄ဦးသေဆုံး၍ ၁၀ဦး အရှင်ဖမ်းမိ”လို့ရေးသားပြီး “Kyaw Thiha”အမည်နဲ့ဖေ့စ်ဘွတ်အသုံးပြုသူက မျှဝေထားတာအောက်ပါအတိုင်းတွေ့ရပါတယ်။ ဒီဖေ့စ်ဘွတ်အသုံးပြုသူကနေ ထပ်ပြီးတော့ အခြားသော ဖေ့စ်ဘွတ်အုပ်စုတွေမှာ မျှဝေထားတာကို ဒီနေရာ၊ဒီနေရာ၊ဒီနေရာ၊ဒီနေရာနဲ့ ဒီနေရာမှာလည်းတွေ့ရပါတယ်။ မူရင်းလင်ခ့် – Fb link |  Archive link အချက်အလက်စိစစ်ချက် တကယ်တော့ ဓာတ်ပုံတွေဟာ စစ်ကိုင်းတိုင်း၊ တမူးမြို့ကနေ ကလေးမြို့သို့ ထွက်ခွာလာတဲ့အရပ်ဝတ်ရဲတွေ စီးနင်းလာတဲ့ ကားတစ်စီးမိုင်းဆွဲတိုက်ခိုက်ခံရမှုအပြီးဓာတ်ပုံတွေဖြစ်ပါတယ်။  Khit Thit […]

Continue Reading

Fact Check: ဒရုန်းကနေ သေနတ်ပစ်တဲ့ဗွီဒီယိုက ၂၀၁၅ ခုနှစ်က အမေရိကန်က ဖြစ်စဉ်သာဖြစ်

နေရာမောင်Leave a Comment on Fact Check: ဒရုန်းကနေ သေနတ်ပစ်တဲ့ဗွီဒီယိုက ၂၀၁၅ ခုနှစ်က အမေရိကန်က ဖြစ်စဉ်သာဖြစ်

မြန်မာနိုင်ငံမှာ ဒရုန်းကိုသေနတ်တပ်ပြီး ပစ်ခတ်စမ်းသပ်အောင်မြင်မှုဆိုတဲ့ ဗွီဒီယိုတစ်ခု ယနေ့ ဖေ့စ်ဘွတ်မှာ ပျံ့နှံမှုအားကောင်းလာပြီး ဖေ့စ်ဘွတ်အသုံးပြုတွေအကြားမှာနားလည်မှုလွဲစေနိုင်တာတွေ့ရပါ တယ်။  ဗွီဒီယိုထဲမှာ ဒရုန်းယာဉ်တစ်စင်းဟာ တောတွင်းတစ်နေရာမှာ ရှေ့တိုးနောက် ဆုတ်အနိမ့်အမြင့်နဲ့ သေနတ်ကို တစ်ချက်ချင်းပစ်ခတ်ပြတဲ့ မြင်ကွင်းပါဝင်ပြီး မှတ်ချက်ပေးသူအများအပြားကလည်း ဒီလိုအောင်မြင်မှုအတွက် ချီးကျူးခဲ့ကြပါတယ်။ တကယ်တော့ ဒီဗွီဒီယိုဟာ ၂၀၁၅ ခုနှစ်အတွင်းကတည်း အင်တာနက်မှာပျံ့နှံ့ခဲ့ဖူးပါတယ်။ “Drone နဲ့ ပစ်ခက် စမ်းသပ်မှု့ အောင်မြင် တော်လိုက်တဲ့ အမေ့သားတွေ “လို့ရေးသားပြီး “Kõ Ĝýî”အမည်နဲ့ဖေ့စ်ဘွတ်အသုံးပြုသူက အောက်ပါအတိုင်းမျှဝေထားရာမှာ ဒီပို့စ်ကို ပြန်လည်မျှဝေမှုပေါင်း ၇၀၀ ကျော်ရှိပါတယ်။ အလားတူရေးသားမျှဝေမှုတွေကို ဒီနေရာ၊ဒီနေရာ၊ ဒီနေရာ၊ဒီနေရာနဲ့ဒီနေရာမှာလည်းတွေ့ရပါတယ်။  မူရင်းလင်ခ့် – Fb link |  Archive link အချက်အလက်စိစစ်ချက် Youtubeမှာအဓိကကျတဲ့စကားလုံးအချို့အသုံးပြုပြီး ဗွီဒီယိုကို ရှာဖွေကြည့်ရာမှာ ဒီဗွီဒီယိုဟာ […]

Continue Reading

Fact Check: ဒီဓာတ်ပုံက NUG ရဲ့ ကိုယ်ပျောက်နည်းပညာသုံး ဒရုန်းလား-မဟုတ်ပါ

နေရာမောင်Leave a Comment on Fact Check: ဒီဓာတ်ပုံက NUG ရဲ့ ကိုယ်ပျောက်နည်းပညာသုံး ဒရုန်းလား-မဟုတ်ပါ

တမူးမြို့သို့ လေ့လာရေးရောက်ရှိလာတဲ့ NUG နည်းပညာသုံးကိုယ်ပျောက်ဒရုန်းတစ်စင်းပုံဆိုပြီးတော့ အနီရောင် ဒရုန်းတစ်စင်းဓာတ်ပုံဟာ ပျံ့နှံ့မှုအားကောင်းခဲ့ပြီး ဖေ့စ်ဘွတ်အသုံးပြုတွေအကြားမှာ နားလည်မှုလွဲစေနိုင် တာတွေ့ရပါ တယ်။ တကယ်တော့ ဓာတ်ပုံဟာ လွန်ခဲ့တဲ့ ၂ လကစပြီး တရုတ်ကုမ္ပဏီတစ်ခုက ဈေးကွက်မှာရောင်းချနေတဲ့ စိုက်ပျိုး ရေးလုပ်ငန်းသုံး ဒရုန်းမော်ဒယ်တစ်မျိုးရဲ့ ဓာတ်ပုံဖြစ်ပါတယ်။ “ယနေ့ တမူးမြို့ တမူးခရိုင် အတွင်း လေ့လာရေး ဖြစ်ရောက်ရှိလာတဲ့ ပြည်သူ များ အားကိုးတဲ  NUG technology နည်းပညာ ကိုယ်ပျောက် drone၊…..မိုင်၁၂၀ ထိ ရောက်ရှိ နိုင်ပြီး ၊ ၄၈ နာရီ ထိသုံးပြုနိုင် တဲ နောက်ဆုံးပေါ် drone”လို့ရေးသားပြီး ” Demo Michelle Zora “အမည်နဲ့ဖေ့စ်ဘွတ်အသုံးပြုသူက ဇန်နဝါရီ ၉ ရက် အောက်ပါအတိုင်းမျှဝေထားရာမှာ […]

Continue Reading