Archives

Fact Check: နိုင်ငံတကာဖိအားကြောင့် အာဏာလွှဲလိုက်ပြီလို့ NUG ကိုယ်တိုင်ပဲ ထုတ်ပြန်ဆိုတဲ့ သတင်းတု

December 24, 2022December 24, 2022နေရာမောင်Leave a Comment

နိုင်ငံတကာဖိအားတွေမခံနိုင်တော့လို့ စစ်တပ်က အာဏာလွှဲလိုက်ပြီး NUG ကိုယ်တိုင်ပဲ ထုတ်ပြန်လိုက် တယ်ဆိုတဲ့ ပို့စ်တစ်ခုဖေ့စ်ဘွတ်အသုံးပြုသူတွေအကြား ယနေ့ဖြန့်ဝေလာပါတယ်။ သတင်းတုဖြစ်ပါတယ်။ “December 24, တနိုင်ငံလုံအောင်ပွဲခံလို့ရပြီ”လို့ ရေးသားပြီး “TepPon News” အမည်နဲ့ ဖေ့စ်ဘွတ်စာမျက်နှက အောက်ပါအတိုင်းမျှဝေထားတာတွေ့ရပါတယ်။ “ညနေပိုင်းထူးရှယ်သတင်း နိုင်ငံတကာဖိအားမခံနိုင်လို့ အခုပဲအာဏာလွှဲလိုက်ပြီတဲ့ NUG ကိုယ်တိုင်အခုပဲထုတ်ပြန်”စသည်ဖြင့်လည်း ဗွီဒီယိုအစမှာပြသတဲ့ ရုပ်သေဓာတ်ပုံက စာသားမှာလည်း ရေးသားထားပြီး NUG သမ္မတ ဓာတ်ပုံနှင့်အတူတကွက်ဖော်ပြထားပါတယ်။ မူရင်းလင်ခ့် – FB link | Archive link တူညီတဲ့ရေးသားမျှဝေမှုတွေကို ဒီနေရာမှာ လည်းတွေ့ရပါတယ်။ အချက်အလက်စိစစ်ချက် “နိုင်ငံတကာဖိအားတွေမခံနိုင်တော့လို့ အာဏာလွှဲလိုက်ပြီး NUG ကိုယ်တိုင်အခုပဲထုတ်ပြန်”လို့ ဗွီဒီယို ဖိုင်ထဲမှာရေးသထားပေမဲ့ ဗွီဒီယိုဖိုင်တစ်ခုလုံးမှာ ဒီအကြောင်းအရာတစ်စုံတရာမပါဝင်ပါဘူး။ ဗွီဒီယိုတစ်ခုလုံးမှာ ပြည်သူ့ကာကွယ်ရေးတပ်ဖွဲ့တွေနဲ့ စစ်တပ်၊ပျူစောထီးတွေအကြား နိုင်ငံတဝှမ်းတိုက်ပွဲဖြစ်ပွားမှုတွေ သတင်းတွေ […]

Fact Check: မက်ဆီရဲ့ တံတောင်ဆစ်မှာ ၂၄ ပစ္စည်းပဌာန်းထိုးထားတာလား-မဟုတ်ပါ

December 23, 2022December 23, 2022နေရာမောင်Leave a Comment

လေးနှစ်တစ်ကြိမ်ကျင်းပတဲ့ ကမ္ဘာ့ဖလားပြိုင်ပွဲဟာ ကမ္ဘာ့ဂုဏ်သိက္ခာအကြီးဆုံး အားကစားပြိုင်ပွဲတစ်ခုဖြစ်ပြီး ကမ္ဘာတစ်ဝှမ်းက ဘောလုံးပရိတ်သတ်တွေအကြား လွှမ်းမိုးမှုအရှိဆုံးပွဲတစ်ပွဲသလို ကမ္ဘာ့ဖလားကို ကိုင်မြှောက် ခွင့်ရချိန်ဟာ ဘောလုံးသမားတွေအတွက်လည်း ဂုဏ်ယူရဆုံးအခိုက်အတန်တစ်ခုဖြစ်တယ်။ ယခုနှစ် အာဂျင်တီးနား အသင်းနဲ့အတူ ကမ္ဘာ့ဖလားကို အရယူနိုင်လိုက်တဲ့ မက်ဆီ(Messi)ဟာ ခေတ်တစ်ခေတ်ရဲ့ အကောင်းဆုံးနဲ့ အအောင်မြင် ဆုံး ကစားသမားအဖြစ်လည်း မှတ်တမ်းဝင်ခဲ့ပါတယ်။ ဒီလိုအခြေအနေမှာ ကမ္ဘာ့ဖလားကို ကိုင်မြှောက်ထားတဲ့ မက်ဆီရဲ့ တံတောင်ဆစ်မှာ ဗုဒ္ဓဘာသာရဲ့ အဘိဓမ္မာကိုဖော်ညွှန်းတဲ့ ၂၄ ပစ္စည်းပဌာန်းပုံစံထိုးထားတဲ့အတွက် အခုလိုအနိုင်ရသွားလို့ဆိုတဲ့ ပို့စ်တစ်ခုဖေ့စ်ဘွတ်အသုံးပြုသူတွေအကြား ပျံ့နှံ့လျက်ရှိပါတယ်။ နားလည်မှုလွဲစေနိုင်တဲ့ ပြောဆိုချက်ဖြစ်တာတွေ့ရပါတယ်။ အောက်ပါစာသားတွေကတော့ ပို့စ်ပါ စာသားကောက်နှုတ်ချက်ပဲဖြစ်ပါတယ်။ “တံတောင်ဆစ်မှာ 24 items(၂၄ ပစ္စည်း) ပုံစံ Tattooထိုးလို့ World Cup ရသွားတဲ့ Messi……. ဒါတောင် အသေးစိတ် တွေ မထည့်ရသေးပါဘူးတဲ့” […]

Fact Check: ဒေါ်အောင်ဆန်းစုကြည်ကို လွှတ်ပြီး NLD ကို အာဏာပြန်ပေးဖို့ တရုတ်သမ္မတတောင်းဆိုတဲ့ သတင်းတုသတင်းမှား

December 23, 2022December 23, 2022နေရာမောင်Leave a Comment

ဒေါ်အောင်ဆန်းစုကြည်ကို လွှတ်ပြီး NLD ကို အာဏာပြန်လွှဲပေးဖို့ တရုတ်သမ္မတ တောင်းဆိုလိုက်တယ်လို့ ရေးသားထားတဲ့ ပို့စ်တစ်ခုဖေ့စ်ဘွတ်အသုံးပြုသူတွေအကြားပျံ့နှံ့လျက်ရှိပါတယ်။ သတင်းတုဖြစ်ပါတယ်။ ဗွီဒီယိုပုံစံနဲ့ဖြန့်ဝေနေတဲ့ ဒီပို့စ်မှာ “အမေစုကိုလွှတ်ပြီး NLD ကိုအာဏာပြန်လွှဲပေးရန် တရုတ်သမ္မတ တောင်းဆို”လို့ လည်း ပို့စ်စာသားမှာရေးသားထားသလို ဒီယိုအစမှာလည်း တရုတ်သမ္မတ “အမေစုကိုလွှတ်ပြီး NLD ကိုအာဏာ ပြန်လွှဲပေးဖို့ တရုတ်သမ္မတ တောင်းဆို” စသည့်ဖြင့်ရေးသားထားပါတယ်။ ထို့အပြင် “NUG ကိုတရားဝင်အစိုးရ တင်မြှောက်ပွဲ မနက် ၉ နာရီမှာ အာဆီယံလုပ်မယ်လို့ကြေညာ”လို့လည်းရေးသား ထားပါတယ်။ “Thearith Ñøçh”အမည်နဲ့ ဖေ့စ်ဘွတ်စာမျက်နှာက ဒီဇင်ဘာ ၁၉ ရက်မှာ အောက်ပါအတိုင်းမျှဝေထား တာတွေ့ရပါတယ်။ မူရင်းလင်ခ့် – FB link | Archive link တူညီတဲ့ရေးသားမျှဝေမှုတွေကို ဒီနေရာမှာ လည်းတွေ့ရပါတယ်။ […]

Fact Check: R2P အရ ကုလတပ် တစ်သောင်း မြန်မာနိုင်ငံကိုလာမယ်ဆိုတဲ့ သတင်းတုသတင်းမှား

December 22, 2022December 22, 2022နေရာမောင်Leave a Comment

R2P အစီအစဉ်အရ ကုလသမဂ္ဂ(United Nations-UN) တပ်တစ်သောင်း မြန်မာနိုင်ငံကိုလာမယ်လို့ဆိုတဲ့ ပို့စ်တစ်ခုဖေ့စ်ဘွတ် အသုံးပြုသူတွေအကြားပျံ့နှံ့လျက်ရှိပါတယ်။ သတင်းတုဖြစ်ပါတယ်။ “R2p UNတပ် 1သောင်း မြန်မာပြည်ရောက်လာမည်။ အသိပေးကြေညာချက်ထုတ်ပြီ။”လို့ ရေးသားပြီး “Zoul-168” အမည်နဲ့ ဖေ့စ်ဘွတ်စာမျက်နှာကအောက်ပါအတိုင်းမျှဝေထားရာမှာ ဒီပို့စ်ကို ပြန်လည်မျှဝေမှုပေါင်း ၁၀၀၀ ကျော်ရှိပါတယ်။ မူရင်းလင်ခ့် – FB link | Archive link တူညီတဲ့ရေးသားမျှဝေမှုတွေကို ဒီနေရာနဲ့ ဒီနေရာမှာ လည်းတွေ့ရပါတယ်။ အချက်အလက်စိစစ်ချက် အထက်ပါ Screenshot ကိုကြည့်မယ်ဆိုရင် ဒေါက်တာဇော်ဝေစိုးရဲ့ ဓာတ်ပုံနဲ့အတူ နိုင်ငံသားတွေကို အကာအကွယ်ပေးရန်တာဝန်ရှိမှု(Responsibility to Protect- R2P)အစီအစဉ်အရ UN တပ်တစ်သောင်း မြန်မာနိုင်ငံကိုလာမယ်လို့ ကြေညာတယ်လို့ဆိုထားပေမဲ့ ၈ မိနစ်ကျော်ရှည်တဲ့ ဒီဗွီဒီယိုတစ်ခုလုံးမှာ ဒီအကြောင်းတစ်စုံတရာ မပါဝင်ပါဘူး။ ဒေါက်တာဇော်ဝေစိုးကပြောကြားခဲ့ခြင်းလည်းမရှိပါဘူး။ အခြားသော […]

Fact Check: NLD ပါတီ ဖျက်သိမ်းပြီလို့ နကစ ကြေညာလိုက်တယ်ဆိုတဲ့သတင်းမှား

December 21, 2022December 21, 2022နေရာမောင်Leave a Comment

NLD ပါတီ ဖျက်သိမ်းပြီလို့ နကစ ကြေညာလိုက်တယ်လို့ဆိုတဲ့ ပို့စ်တစ်ခုဖေ့စ်ဘွတ်အသုံးပြုသူတွေ အကြားပျံ့နှံ့လျက်ရှိပါတယ်။ သတင်းတုဖြစ်ပါတယ်။ ဗွီဒီယိုပုံစံနဲ့ဖြန့်ဝေနေတဲ့ ဒီပို့စ်မှာ“NLD ပါတီ ဖျက်သိမ်းပြီလို့ နကစ ကြေညာ”လို့ ရေးသားထားသလို ဗွီဒီယိုအစမှာပြတဲ့ ဓာတ်ပုံစာသားထဲမှာတော့ “(၁၉)ရက်နေ့ NLD ပါတီ ဖျက်သိမ်းကြောင်း ကြေညာ မအလ အထူးယုတ်မာပြီ” စသည်ဖြင့်ရေးသားထားပါတယ်။ “TepPon News” အမည်နဲ့ ဖေ့စ်ဘွတ်စာမျက်နှာက ဒီဇင်ဘာ ၁၉ ရက်က မျှဝေထားတာကို အောက်ပါအတိုင်းတွေ့ရပါတယ်။ ဒီပို့စ်ကို ကြည့်ရှု့မှုပေါင်း ၂ သိန်းကျော်ရှိပါတယ်။ မူရင်းလင်ခ့် – FB link | Archive link တူညီတဲ့ရေးသားမျှဝေမှုတွေကို ဒီနေရာနဲ့ ဒီနေရာမှာ လည်းတွေ့ရပါတယ်။ အချက်အလက်စိစစ်ချက် NLD ပါတီ ဖျက်သိမ်းပြီလို့ ကြေညာမရှိပါဘူး။ သတင်းလုပ်ငန်းအဓိကလုပ်ကိုင်နေပြီး […]

Fact Check: ရေသန့်ကို အပူပေး ကျိုချက်သောက်ရင် ကင်ဆာဖြစ်တယ်ဆိုတာ မဟုတ်ပါ

December 20, 2022December 20, 2022နေရာမောင်Leave a Comment

ရေသန့်ကို အပူပေးကျိုချက်သောက်သုံးရင် ကင်ဆာရောဂါနဲ့ အခြားဝမ်းတွင်းအမြစ်ပွားနာများဖြစ်တယ်ဆိုတဲ့ ပို့စ်တစ်ခု ဖေ့စ်ဘွတ်မှာ ပျံ့နှံ့လျှက်ရှိပါတယ်။နားလည်မှုလွဲစေနိုင်တဲ့ သတင်းမှားတစ်ခုသာဖြစ်ပါတယ်။ အောက်ပါစာသားတွေကတော့ ပို့စ်ပါကောက်နှုတ်ချက်စာသားအချို့ဖြစ်ပါတယ်။ “ရေသန့်ကို …ထမင်းဟင်းချက်တဲ့ နေရာသုံးမိတယ် ။ ရေသန့်ကို ရေနွေးကျိုသောက်တာမဟုတ် ပဲ နေပူထဲချထားရင်တောင် ကင်ဆာဖြစ်ပါတယ် ။ ရေသန့်ဖြစ်ဖို့ ကလိုရင်းဆေးခပ်ရပါတယ် ။ ရေသန့်ထဲမှာ .. ထည့်ထားတဲ့ ကလိုရင်းဓာတ်အပူနဲ့ ထိတွေ့တဲ့အခါ ကလိုရိုဖောင်းဓာတ်အဖြစ် ပြောင်းလဲသွားပြီး ကြာရှည်အပူပေးသုံးစွဲ လာတဲ့အခါ – မအီမသာဖြစ်ခြင်း ၊ – ခေါင်းကိုက်ခြင်း ၊ – ပျို့အန်ခြင်း ၊- အမည်မဖော်နိုင်တဲ့ ရောဂါတွေဖြစ်လာခြင်းများဖြစ်ပေါ်လာပြီး ကင်ဆာဘက်ကို နွယ်လာနိုင်တာမျိုး ဖြစ်နိုင်ချေများပါတယ် ။” မူရင်းလင်ခ့် – FB link | Archive link တူညီတဲ့ရေးသားမျှဝေမှုတွေကို […]

Fact Check: ဒေါ်အောင်ဆန်းစုကြည်က PDFတွေကို လက်နက်ချခိုင်းတယ်ဆိုတဲ့ သတင်းတုသတင်းမှား

December 20, 2022December 20, 2022Zun ZeeLeave a Comment

ဖမ်းဆီးထိန်းသိမ်းခံထားရတဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က PDF တွေကို ချက်ချင်း လက်နက်ချဖို့ပြောထားတယ်ဆိုတဲ့ ဖေ့စ်ဘွတ်အသုံးပြုသူတွေအကြား ပျံ့နှံ့မှုရှိခဲ့ပါတယ်။ “အမေစုကိုယ်တိုင်PDFတွေကိုလက်နက်ချခိုင်းပြီ။မကောင်းတဲ့လမ်းကိုမရွေးနဲ့ (ရုပ်_သံ)”လို့ရေးသားပြီး “News In Burmese”အမည်နဲ့ You tube channel က အောက်ပါအတိုင်းမျှဝေထား ပါတယ်။ ဗွီဒီယိုအစမှာပြသတဲ့ thumbnail ဓာတ်ပုံထဲမှာလည်း ၉ ရက် အမေစုဒဲ့ပြောပြီ PDFတွေချက်ချင်းလက်နက်ချပါ၊ ”လို့လည်း ရေးသားထားပါတယ် မူရင်းလင်ခ့် – youtube link | Archive link အလားတူရေးသားမျှဝေမှုတွေကို ဒီနေရာနဲ့ ဒီနေရာမှာလည်းတွေ့ရပါတယ်။ အချက်အလက်စိစစ်ချက် ၄မိနစ်ကျော်ရှိတဲ့ ဒီဗွီဒီယိုဖိုင်ကို စိစစ်ကြည့်ရာမှာ “ဒေါ်အောင်ဆန်းစုကြည်က ပြည်သူ့ကာကွယ် ရေးတပ်ဖွဲ့ (PDF) တွေကို ချက်ချင်း လက်နက်ချခိုင်း”တယ်ဆိုတဲ့ အကြောင်းအရာမပါဝင်ပါဘူး။ အမှန်တကယ်တော့ ဒီဇင်ဘာ ၈ ရက်နေ့က […]

Fact Check: NDAA ကို ဂျိုးဘိုင်ဒန်လက်မှတ်ထိုးပြီးတဲ့အတွက် ဟောင်ဇာလက်နက်ကြီး တွေ NUG လက်ခံရရှိဆိုတဲ့ သတင်းမှား

December 19, 2022December 19, 2022နေရာမောင်Leave a Comment

အမေရိကန်က အမျိုးသားလုံခြုံရေးဉပဒေကို ဂျိုးဘိုင်ဒန်က အတည်ပြုလိုက်ပြီးနောက် အမေရိကန်ဆီက မြေပြင်ပစ် ဟောင်ဇာ(Howitzer)အမြောက်ကြီးတွေကို အမျိုးသားညီညွှတ်ရေးအစိုးရ(NUG)က လက်ခံ ရရှိခဲ့တယ်ဆိုပြီး တော့ဖြန့်ဝေထားတဲ့ပို့စ်တစ်ခု ဖေ့စ်ဘွတ်မှာပျံ့နှံ့မှုအားကောင်းခဲ့တာတွေ့ရပါတယ်။ သတင်းမှားတစ်ခု သာဖြစ်ပါတယ်။ “NDAA သမ္မတ ဘိုင်ဒန်လက်မှတ်ရေးထိုးပြီးနောက် NUG လက်နက်ကြီးတွေ လက်ခံနေပြီ”လို့ရေးသားပြီး “Tsx mar 07”ဖေ့စ်ဘွတ်စာမျက်နှာကအောက်ပါအတိုင်းမျှဝေထားတာတွေ့ရပါတယ်။ ဗွီဒီယိုစာသားထဲမှာလည်း ၁၇ ရက်နေ့က ဒီလိုလက်မှတ်ရေးထိုးပြီးနောက် လက်နက်အကူအညီရရှိခဲ့တာလို့ဖော်ပြပါတယ်။ မူရင်းလင်ခ့် – FB link | Archive link တူညီတဲ့ရေးသားမျှဝေမှုတွေကို ဒီနေရာမှာ လည်းတွေ့ရပါတယ်။ အချက်အလက်စိစစ်ချက် ဗွီဒီယိုထဲမှာပါတဲ့အကြောင်းအရာဟာ တော်လှန်ရေးကိုထောက်ခံတဲ့ ဘုန်းကြီးတစ်ပါးရဲ့ အမျိုးသားကာကွယ်ရေး လုပ်ပိုင်ခွင့် အက်ဥပဒေ (NDAA) အပေါ် အတွေးအမြင်ကို ဆွေးနွေးနေခြင်းသာဖြစ်ပါတယ်။ ဒီဆွေးနွေးမှုမှာလည်း လက်နက်တွေထောက်ပံ့နေပြီ၊ လက်ခံရရှိပြီဆိုတဲ့ ပြောဆိုချက်မပါပါဘူး။ အမေရိကန်ရဲ့ အမျိုးသားကာကွယ်ရေး […]

Fact Check: စစ်တပ်ခန့် လူကယ်/ပြန်ဝန်ကြီးဌာနက Gluco Pro ကိုထောက်ခံချက် ပေးထားတယ်ဆိုတဲ့ သတင်းတုသတင်းမှား

December 19, 2022December 19, 2022နေရာမောင်Leave a Comment

ဆီးချိုရောဂါကို ကုသနိုင်တယ်လို့ကြော်ငြာရောင်းချနေတဲ့ Gluco Pro ဆိုတဲ့ အမှတ်တံဆိပ်ထုတ်ကုန်ဟာ အတုအယောင်ပြောဆိုဖန်တီးချက်တွေနဲ့ မြန်မာဘာသာအသုံးပြုသူတွေအကြားကြော်ငြာရောင်းချနေတာ Fact Crescendo Myanmar အနေနဲ့ သတိပြုမိပါတယ်။ မကြာခဏ အတုအယောင်ရေးဖြန့်မှုတွေနဲ့ကြော်ငြာလေ့ရှိတဲ့ Gluco Pro ဟာ အခုတစ်ခေါက်မှာတော့ စစ်တပ်ခန့် လူမှုဝန်ထမ်းကယ်ဆယ်ရေးနှင့်ပြန်လည်နေရာချထားရေး ဝန်ကြီးဌာန ဓာတ်ပုံတစ်ပုံနှင့်အတူဖေ့စ်ဘွတ်အသုံးပြုသူတွေအကြားဖြန့်ဝေခဲ့တာတွေ့ရပါတယ်။ “13.12.2022 နိုဝင်ဘာ ၂၃၊ ၂၀၂၂ တွင် ဆီးချိုရောဂါကာကွယ်ရန်အတွက် သတ်မှတ်ထားသောခွဲတမ်းကို အတည်ပြုရန် ဆုံးဖြတ်ချက်ချခဲ့သည်။”လို့ ရေးသားပြီး “ဤဆုံးဖြတ်ချက်ကို စတင်ခဲ့သူမှာ endocrine ဂလင်းများနှင့် ဟော်မုန်းများ ချို့ယွင်းချက်များကို ရောဂါရှာဖွေ ကုသရန် အရည်အချင်းပြည့်မီသော ဆေးပညာရှင် အကြီးအကဲ Aisha Umarov ဖြစ်သည်။”လို့လည်းရေးသားထားပါတယ်။ ဆေးပညာရှင်ရဲ့ ဓာတ်ပုံနဲ့အတူ သူ့မအမြင်အရတော့ အာဏာပိုင်တွေက ကျွန်မတို့နိုင်ငံရဲ့ လူဦးရေအများစု အတွက် ထိရောက်တဲ့ဆေးဝါးတွေ […]

Fact Check: မင်းအောင်လှိုင်ကို ICC က ဆင့်ခေါ်ပြီဆိုတဲ့ သတင်းတု

December 16, 2022December 16, 2022နေရာမောင်Leave a Comment

ဗိုလ်ချုပ်မှူးကြီးမင်းအောင်လှိုင်ကို နိုင်ငံတကာ ရာဇဝတ်ခုံရုံး(ICC)က ဆင့်ခေါ်ပြီလို့ဆိုတဲ့ ပို့စ်တစ်ခုဖေ့စ်ဘွတ် အသုံးပြုသူတွေအကြားပျံ့နှံ့လျက်ရှိပါတယ်။ သတင်းတုဖြန့်ချိနေခြင်းဖြစ်ပါတယ်။ ၂၀၁၇ ခုနှစ်က ရိုဟင်ဂျာတွေအပေါ် စစ်တပ်က အကြမ်းဖက်ကျူးလွန်မှုတွေအတွက် တရားစွဲဆိုဖို့ ပြီးခဲ့တဲ့နှစ်တွေ အတွင်းကတည်း နိုင်ငံတကာအသိုင်းအဝိုင်းက ကြိုးပမ်းမှုဟာ မြန်မာနိုင်ငံမှာ ရွေးကောက်ခံ အရပ်သားအစိုးရကို ဖြုတ်ချပြီးနောက် ပိုမိုအားကောင်းလာနေတာတွေ့ရပါတယ်။ အထူးသဖြင့် ဖြုတ်ချခံ အရပ်သားအစိုးရကို ဆက်ခံတဲ့ အမျိုးသားညီညွှတ်ရေးအစိုးရ(NUG)ကိုယ်တိုင်က ICC မှာ စစ်ခေါင်းဆောင်တွေကို စွဲချက်တင်နိုင်ဖို့ ကြိုးပမ်းလာနေတာပဲဖြစ်ပါတယ်။ ဒီလိုအခြေအနေမှာ “မင်းအောင်လှိုင်ကို iccက ဆင့်ခေါ့်ပြီ”လို့ ရေးသားပြီး “Zoul-168” အမည်နဲ့ ဖေ့စ်ဘွတ်စာ မျက်နှာကအောက်ပါအတိုင်းမျှဝေထားတာတွေ့ရပါတယ်။ ဗွီဒီယိုအစမှာပြသတဲ့ Thumbnail ဓာတ်ပုံထဲမှာလည်း ” (၁၆)ရက်နေ့ ICC ကဆင့်ခေါ်ပြီ မင်းအောင်လှိုင်အတွက် ပြေးလမ်းမရှိပြီ” စသည်ဖြင့်လည်းရေးသားထား ပါတယ်။ တူညီတဲ့ရေးသားမျှဝေမှုတွေကို ဒီနေရာနဲ့ ဒီနေရာမှာ […]