လူမှုကွန်ယက်အသုံးပြုမှုမှာ ပြန်ကြားရေးဝန်ကြီးဟောင်း ဦးရဲထွဋ်က အမျိုးသားဒီမိုကရေစီအဖွဲ့ချုပ် (NLD) ပါတီကို ချီးမွှမ်းလိုက်ပြီး ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ(USDP)ကို ရှုတ်ချဝေဖန် တယ်ဆိုတဲ့ပို့စ်တစ်ခု လူမှုကွန်ယက် အသုံးပြုသူတွေအကြားမှာ ပျံ့နှံ့လျက်ရှိပါတယ်။
NLD က အင်တာနက်ခေတ်မှာ အားသာချက်တွေရှိနေပြီး ထောက်ခံသူတွေကလည်း အချက်အလက်နဲ့ အကျိုးရှိရှိ အသုံးချနိုင်ပေမဲ့ ပြည်ခိုင်ဖြိုးကတော့ photoshop လုပ်ပြီး သတင်းတုသတင်းမှားဖြန့်တာကလွဲလို့ မလုပ်တတ်တဲ့ အကြောင်း ဦးရဲထွဋ်ကပြောခဲ့တယ်ဆိုပြီးတော့ ရေးသားထားကို အောက်ပါအတိုင်း တွေ့ရပါတယ်။
တကယ်တော့ ဒီလိုမျှဝေနေတဲ့ပို့စ်ဟာ သတင်းတုဖြစ်တာတွေ့ရပါတယ်။
အချက်အလက်စိစစ်ချက်
ပြည်ခိုင်ဖြိုးပါတီအကြောင်း သုံးသပ်ပြောထားတယ်ဆိုတဲ့ ပို့စ်ကို ပြန်ကြားရေးဝန်ကြီးဟောင်း ဦးရဲထွဋ်က သူ့ရဲ့ လူမှုကွန်ယက်စာမျက်နှာကတဆင့် ဒီသတင်းမှန်သလားမေးလာတာကို အောက်ပါအတိုင်းပြန်လည်ဖြေကြား ထားတာတွေ့ရပါတယ်။ ဒီလင့်ခ်မှာ ဝင်ရောက်လေ့လာနိုင်ပါတယ်။
“ကျွန်တော်ရေးတာ/ပြောတာ မဟုတ်ပါဘူး။ အတုလုပ်ထားတာပါ။ ကျွန်တော်ရေးတာဆိုရင် ကျွန်တော့်ဝေါမှာရှိမယ်။ အင်တာဗျူးဆိုရင်မီဒီယာ ကို ညွှန်းထားမှာပေါ့။ ဘယ်သူတွေလုပ်သလဲဆိုတာ မှန်းကြည့် လို့ရပါတယ်။သူတို့ဘက်က လူတွေ အတုမှန်းမသိဘဲ ဖတ်ပြီး ကြည်ညိုနေတဲ့ မန့်တွေလည်းတွေ့တယ်။ ကုသိုလ်ရတာပေါ့။”ဆိုပြီး မျှဝေထားပါတယ်။
သုံးသပ်ချက်
အထက်ပါအချက်အလက်အရ ပြည်ခိုင်ဖြိုးပါတီရဲ့ အင်တာနက်ခေတ်အားနည်းချက်ကိုထောက်ပြပြီး NLD ပါတီကို ပြန်ကြားရေးဝန်ကြီးဟောင်း ဦးရဲထွဋ်က ချီးမွမ်းထားတယ်ဆိုတဲ့ပို့စ်ဟာ အချက်အလက်မှား ဖြစ်တာ တွေ့ရ ပါတယ်။
Title:NLD နဲ့ ပြည်ခိုင်ဖြိုးပါတီအပေါ် ပြန်ကြားရေးဝန်ကြီးဟောင်း ဦးရဲထွဋ် မှတ်ချက်ဆိုတဲ့ သတင်းမှားဖြန့်
Fact Check By: Nayar MaungResult: False
