Tag: Myanmar

မြဝတီက စစ်သားနှစ်ဦးအသတ်ခံရပြီး ဗုံးထောင်မှုကို အစ္စလာမ်အမျိုးသမီးကျူးလွန် တယ်လို့ သတင်းမှားဖြန့်

Lynn YuLeave a Comment on မြဝတီက စစ်သားနှစ်ဦးအသတ်ခံရပြီး ဗုံးထောင်မှုကို အစ္စလာမ်အမျိုးသမီးကျူးလွန် တယ်လို့ သတင်းမှားဖြန့်

ဩဂတ်လ ၃၀ရက်နေ့က မြဝတီ-ကော့ကရိတ်လမ်းဟောင်းက ဆက်သွယ်ရေးစခန်းမှာဖြစ်ပွားခဲ့တဲ့ တပ်မတော် သားနှစ်ဦးအသတ်ခံရပြီး အလောင်းမှာလက်ပစ်ဗုံးထောင်တာကြောင့် ပေါက်ကွဲမှုဖြစ်ပွားခဲ့တဲ့ လက်သည် တရားခံမှာ အစ္စလာမ်အမျိုးသမီးတစ်ဦးဖြစ်တယ်ဆိုတဲ့ ပို့စ်တစ်ခုဟာ လူမှုကွန်ယက် အသုံးပြုသူတွေ အကြားပြန့်နှံ့ခဲ့ပါတယ်။ ပျံ့နှံ့လျက်ရှိတဲ့ပို့စ်မှာ “မအိသီရိဆန်းရွှေ အသက်၃၁နှစ် အစ္စလာမ်(ဘင်္ဂလီ) လူမျိုး၊ အမျိုးသမီးက ဆက်သွယ်ရေးတာဝါတိုင်နှင့် ဆက်သွယ်ရေးစခန်းငယ်တွင် တာဝန်ထမ်းဆောင်နေသော စစ်သည်၂ ဦးထဲသာရှိနေသည့် စခန်းတွင်းသို့ ဘာရက်တာ 92.f အမျိုးအစား ပစ္စတိုတစ်လက်ဖြင့် ဝင်ရောက်ခဲ့ပြီး အနီးကပ်ပစ်ခတ်ခဲ့သဖြင့် အမှတ် ၇ ဆက်သွယ်ရေးတပ်ရင်းမှ ဒုတပ်ကြပ်မြတ်မင်းဇော်နှင့်တပ်သားညီညီသန့်တို့ နှစ်ဦးစလုံး ဝဲဘက်နားထင်တွင် သေနတ်ဒါဏ်ရာများဖြင့် လဲကျသေဆုံးခဲ့ရပါသည်။ ကျဆုံးစစ်သည် အလောင်းအောက်တွင်မိုင်းတစ်လုံး ထောင်ထားခဲ့တဲ့အတွက် မိုင်းထပ်မံပေါက်ကွဲပြီး ကယ်တင်ရန်သွားခဲ့သည့် ဆေးအရာရှိအပါအဝင်စစ်သည် ၂ဦးပါ ထပ်မံကျဆုံးခဲ့ပြီး ရဲအရာရှိတစ်ဦးအပါအဝင် တပ်မတော်သား ၈ ဦး ထိခိုက်ဒါဏ်ရာရရှိခဲ့တယ်”စသည်ဖြင့်ရေးသားထားပါတယ်။ FB […]

Continue Reading

ပါတီကို မဲထည့်ကြပါလို့ အတင်းတိုက်တွန်းတာဟာ သိက္ခာမဲ့တယ်လို့ ဒေါ်သက်သက်ခိုင်ပြောခဲ့သလား

Lynn YuLeave a Comment on ပါတီကို မဲထည့်ကြပါလို့ အတင်းတိုက်တွန်းတာဟာ သိက္ခာမဲ့တယ်လို့ ဒေါ်သက်သက်ခိုင်ပြောခဲ့သလား

ကျွန်မတို့ပါတီကို မဲထည့်ကြပါလို့ အတင်းတိုက်တွန်းတာဟာ သိက္ခာမဲ့တယ်လို့ ခံစားရလို့ အတင်း မတိုက်တွန်းပါဘူးလို့ PPPပါတီဥက္ကဌဒေါ်သက်သက်ခိုင်ကပြောတဲ့အကြောင်း  Zarni Tikeဆိုတဲ့ ဖေ့စ်ဘွတ်အကောက်က တင်ထားတာတွေ့ရပါတယ်။ “အခုကာလက ၂၀၂၀ရွေးကောက်ပွဲအတွက် မဲဆွယ်ကာလပေါ့နော်။ ဒီနေရာမှာ ပြည်သူများကို ကျွန်မ ပြောချင်တာက ကျွန်မတို့ပါတီဟာ တခြားပါတီတွေလို ကျွန်မတို့ပါတီကို မဲထည့်ကြပါလို့ အတင်းမတိုက်တွန်းပါဘူး။ ဒီလိုအတင်း တိုက်တွန်းတာဟာ သိက္ခာမဲ့တယ်လို့ခံစားရလို့ပါ။..”စသဖြင့် ဒေါ်သက်သက်ခိုင်ကပြောတယ်လို့ ပို့စ်တင်ထားပြီး ပြန်လည်မျှဝေသူပေါင်း သုံးရာကျော်ရှိခဲ့ပါတယ်။ အချက်အလက်စိစစ်ချက် အထက်ပါပြောဆိုချက်ဟာ မဟုတ်မှန်ကြောင်း ပြည်သူ့ရှေ့ဆောင်ပါတီ PPPရဲ့ ဖေ့စ်ဘွတ်စာမျက်နှာမှာ “Myanmar National Post မှ အပိုင်း(၄) အနေဖြင့်တင်ထားတဲ့ ပုံနှင့်စာထဲမှ ပုံကိုယူပြီးစာများကို ကလိမ်ကကျစ်ကျစွာဖြင့် ပြည်သူများထင်ယောင်ထင်မှားဖြစ်အောင် အကောင့်ပိုင်ရှင်က စာသားများပြင်ထားတာကို ထင်ထင်ရှားရှားသိစေလို၍ အခုလိုတင်ပြရခြင်းဖြစ်ပါတယ်။” ပြန်လည်ရှင်းလင်းထားပါတယ်။ ဆက်လတ်ပြီး “ပြည်သူတွေအနေနဲ့သတင်းအမှားတွေတင်နေတဲ့ ဖေ့စ်ဘွတ်အကောက်တွေကို […]

Continue Reading

COVID-19 ကူးစက်ခံရတဲ့ ၂ လသားကလေးငယ် ဆုံးပြီဆိုတဲ့ သတင်းမှားဖြန့်

နေရာမောင်Leave a Comment on COVID-19 ကူးစက်ခံရတဲ့ ၂ လသားကလေးငယ် ဆုံးပြီဆိုတဲ့ သတင်းမှားဖြန့်

တကျော့ပြန် COVID-19 ဟာ ကူးစက်ပျံ့နှံ့မှုနဲ့အတူ လူအများစိုးရိမ်ပူပန်မှုဖြစ်ပေါ်လျက်ရှိပါတယ်။ ဒီလိုအခြေအနေမှာ “Myanmar Movies”အမည်နဲ့ဖေ့စ်ဘွတ်စာမျက်နှာက “ရက်စက်လွန်းလှတယ် COVID-19 ရယ် အပြစ်မဲ့တဲ့ ကလေးလေးကိုတောင် မညှာတာဘူး မနေ့ကမှvedioလေးတက်လာလို့ မြန်မြန်သက်သာဖို့ ဆုတောင်းပေးနေတာ ရက်စက်လိုက်တာ covid 19 ရယ်”ဆိုတဲ့ စာသားနဲ့အတူ ကလေးငယ်တစ်ယောက်ရဲ့ နာရေးဓာတ်ပုံတွေနဲ့အတူ အောက်ပါအတိုင်းမျှဝေထားရာမှာ ၂ ရက်အတွင်း ပြန်လည်မျှဝေသူ ၅ ထောင် ကျော်ရှိခဲ့ပါတယ်။  Fb link Archive link အလားတူ ပို့စ်မျိုးကို ဒီနေရာ၊ဒီနေရာနဲ့ ဒီနေရာတွေမှာလည်း မျှဝေထားတာတွေ့ရပါတယ်။ အချက်အလက်စိစစ်ချက် ကျန်းမာရေးနှင့်အားကစားဝန်ကြီးဌာနရဲ့ ြသဂုတ် ၃၁ရက်နေ့ ည ၈ နာရီသတင်းထုတ်ပြန်ချက်အထိ ြသဂုတ် ၁၆ ရက်က စတင်ခဲ့တဲ့ တကျော့ပြန် ပြည်တွင်းကူးစက်မှုမှာ COVID-19 ရောဂါကြောင့် […]

Continue Reading

COVID-19 ကာကွယ်ရေးပစ္စည်းတွေသယ်လာတဲ့ယာဉ်ကို AA ခိုက်တယ်ဆိုတဲ့သတင်းတု

နေရာမောင်Leave a Comment on COVID-19 ကာကွယ်ရေးပစ္စည်းတွေသယ်လာတဲ့ယာဉ်ကို AA ခိုက်တယ်ဆိုတဲ့သတင်းတု

ကိုဗစ်ကာကွယ်ရေးပစ္စည်းနဲ့ တိုက်ပွဲရှောင်ထောက်ပံ့ရေးပစ္စည်းများ ပို့ဆောင်နိုင်ရေး အတွက် လမ်းကြောင်းလုံခြုံရေး ဆောင်ရွက်နေသည့် တပ်အား AA အဖွဲ့မှ တိုက်ခိုက်ခဲ့တယ်ဆိုတဲ့ ပို့စ်တစ်ခု ပျံ့နှံ့လျက်ရှိတာတွေ့ရပါတယ်။ “ပလက်ဝဒေသသို့ ကိုဗစ်ကာကွယ်ရေးပစ္စည်းများပို့ဆောင်နိုင်ရေးအတွက် လမ်းကြောင်းလုံခြုံရေး ဆောင်ရွက်နေသည့် တပ်စစ်ကြောင်းတစ်ခုအား AA မှ ဝင်တိုက်”ခေါင်းစဉ်နဲ့သတင်းရေးသားဟန်နဲ့ ဖော်ပြထားတဲ့ ပလက်ဝနှင့် ဆမီးမြို့သို့ ဆက်သွယ်ထားသည့် လမ်းမပေါ်ရှိ ရက်ဒိန်ကျေးရွာအနီးမှာ တိုက်ခိုက်ခံရတာဖြစ်တယ် လို့ ဒေသခံတွေကပြောတယ်ဆိုပြီးတော့ ရေးသားထားပြီး ဒီသတင်းကို ဒီနေရာ၊ဒီနေရာနဲ့ ဒီနေရာတွေမှာ အသီးသီးမျှဝေခဲ့ကြတာတွေ့ရပါတယ်။ အချက်အလက်စိစစ်ချက် ပထမဆုံး တပ်မတော်နဲ့ ပတ်သက်တဲ့ သတင်းတွေ ထုတ်ပြန်လေ့ရှိတဲ့ တပ်မတော်သတင်းအမှန်ပြန်ကြား ရေးစာမျက်နှာ ဒီလိုသတင်းထုတ်ပြန်ချက်မျိုးမတွေ့ရှိရပါဘူး။ အလားတူ တပ်မတော်ကာကွယ်ရေးဦးစီးချုပ်ရုံး သတင်းထုတ်ပြန်ချက်တွေမှာလည်း ဒီလိုသတင်းမျိုးမတွေ့ရှိရပါဘူး။ ဒီသတင်းဟာ ဓာတ်ပုံအဟောင်း တစ်ပုံကို အသုံးပြုပြီး ပြန်လည်သတင်းတု ဖန်တီးထားခြင်းဖြစ်တာ တွေ့ရပါတယ်။ ဒီဓာတ်ပုံကို […]

Continue Reading

COVID-19 ဗီဇပြောင်းဗိုင်းရပ်စ်က ကြောက်စရာမလိုဘူးဆိုတာ မှန်သလား

နေရာမောင်Leave a Comment on COVID-19 ဗီဇပြောင်းဗိုင်းရပ်စ်က ကြောက်စရာမလိုဘူးဆိုတာ မှန်သလား

D614G ကိုဗစ် သန္ဓေပြောင်းပိုးဟာ ကူးစက်တာမြန်ပေမဲ့ ကြောက်စရာမလိုဘူးဆိုတဲ့ ရေးသားချက်က လူမှုကွန်ယက်အသုံးပြုသူတွေအကြားမှာ ပျံ့နှံ့လျက်ရှိပါတယ်။ ဒီပို့စ်ကို “Kyaw Kyaw Sai”အမည်နဲ့ဖေစ့်ဘွတ်အသုံးပြုသူကနေ ြသဂုတ် ၂၃ ရက်မှာ စတင်ဖြန့်ဝေခဲ့တာ တွေ့ရပြီး ဒီနေရာ၊ဒီနေရာတွေက ပြန်လည်မျှဝေခဲ့ကြရာမှာ လူမှုကွန်ယက်အသုံးပြုသူထောင်ချီပြီး ပြန်လည် မျှဝေခဲ့ကြတာ တွေ့ရပါတယ်။ Fb link Archive link အချက်အလက်စိစစ်ချက်  Kyaw Kyaw Sai အမည်နဲ့ဖေ့စ်ဘွတ်အသုံးပြုသူက ဒီလိုရေးသားရာမှာ Channel News Asia သတင်းဌာနက ြသဂုတ် ၁၈ ရက်ကရေးသားခဲ့သော “Infectious COVID-19 mutation may be ‘a good thing’, says Paul Tambyah”သတင်းကို ကိုးကားရေးသားထားတာတွေ့ရပါတယ်။ Google မှာ “Infectious […]

Continue Reading

ယာဉ်မတော်တဆမှုကို ထိုင်းစစ်တပ်က ခိုးဝင်မြန်မာတွေ ပစ်သတ်မှုအဖြစ် ဖော်ပြနေ

နေရာမောင်Leave a Comment on ယာဉ်မတော်တဆမှုကို ထိုင်းစစ်တပ်က ခိုးဝင်မြန်မာတွေ ပစ်သတ်မှုအဖြစ် ဖော်ပြနေ

ထိုင်းစစ်တပ်က ခိုးဝင်မြန်မာတွေ ပစ်သတ်မှုအဖြစ် ဖော်ပြနေတဲ့ပို့စ်တစ်ခု လူမှုကွန်ယက်အသုံးပြုသူတွေ အကြားမှာ ပျံ့နှံ့လျက်ရှိပါတယ်။  ပျံ့နှံ့လျက်ရှိတဲ့ပို့စ်မှာ “ထိုင်းထဲကို…ခိုးဝင်မလာကြပါနဲ့…ပစ်မိန့်လည်းထုတ်ထားပြီပြီ…အသိနဲ့သတိရှိပါ จากเหตุการณ์เมื่อวาน รถกะบะบรรทุกคนชาวกาฬสินธุ์มาจากเที่ยวคำชโนด อ.บ้านดุง #หลับในพุ่งชนต้นไม้ อ.ไชยวาน ช่วงนี้มีรายงานเสียชีวิตเพิ่มเป็น3ราย..เสียใจด้วยน่ะคับ”လို့ ရေးသားထားပြီး ကားလမ်းဘေး လယ်ကွင်းပြင်တစ်ခုက မြေပြင်မှာ အတုံးအရှုံးလဲနေတဲ့ လူတွေနဲ့ သစ်ပင်တစ်ပင်ကို တိုက်မိပြီး ခေါင်းကြေ သွားတဲ့ကားတစ်စီးနဲ့ ကယ်ဆယ်ရေးလုပ်သားတွေလည်း ပါဝင်ပါတယ်။ “ဆူးရဲ့ဒဏ်ရာများနဲ့ သူ”အမည်နဲ့ ဖေ့စ်ဘွတ်အသုံးပြုသူက အောက်ပါအတိုင်းမျှဝေထားပါတယ်။ Fb link Archive link အလားတူ “KO Kyaw Gyi” နဲ့ “မချစ်စု ငွေလွှဲ ကောင်တာ”အမည်နဲ့ဖေ့စ်ဘွတ်အသုံးပြုတွေကလည်း မျှဝေထားပါတယ်။ အချက်အလက်စိစစ်ချက် ဒီပို့စ်မှာပါတဲ့ ထိုင်းစာကို ဖေ့စ်ဘွတ်ရဲ့ ဘာသာပြန်ဆိုချက်ကို နှိပ်ကြည့်လိုက်တဲ့အခါမှာအောက်ပါ အတိုင်းတွေ့ ရပါတယ်။ မြန်မာဘာသာနဲ့ရေးသားချက်မှာ ထိုင်းကို ခိုးဝင်လာတဲ့သူတွေကို […]

Continue Reading

သဲကုန်းက COVID-19 စစ်ဖို့ နှာခေါင်းတို့ဖက်နမူနာယူခဲ့တဲ့ကလေးပုံကို မြောက်ဦးက ၂ လသမီးအရွယ်ကလေးအဖြစ်သတင်းမှားဖြန့်

နေရာမောင်Leave a Comment on သဲကုန်းက COVID-19 စစ်ဖို့ နှာခေါင်းတို့ဖက်နမူနာယူခဲ့တဲ့ကလေးပုံကို မြောက်ဦးက ၂ လသမီးအရွယ်ကလေးအဖြစ်သတင်းမှားဖြန့်

သဲကုန်းမြို့က COVID-19 စစ်ဖို့ နှားခေါင်းတို့ဖက်နမူနာယူခဲ့တဲ့ ကလေးငယ်တစ်ဦးပုံကိုရခိုင်ပြည်နယ်မြောက်ဦးက COVID-19 အတည်ပြုလူနာ ၂လသမီးအရွယ်ကလေးအဖြစ် လူမှုကွန်ယက်အသုံးပြုသူတွေအကြားမှာ ပျံ့နှံ့ လျက်ရှိပါတယ်။ ရခိုင်ပြည်နယ်မြောက်ဦးက COVID-19 အတည်ပြုလူနာ ၂လအရွယ်သမီး ကျန်းမာရေးကောင်းမွန်တယ်လို့ ဆေးရုံအုပ်ကြီးကပြောပါတယ်စသည်ဖြင့်ေရးသားထားတဲ့သတင်းကို 7day အမည်နဲ့ဝက်ဘ်ဆိုဒ်တစ်ခုက မျှဝေထားတာအောက်ပါအတိုင်းတွေ့ရပါတယ်။ Fb link Archive link ဒီသတင်းကို ဒီနေရာ ဒီနေရာနဲ့ ဒီနေရာတွေမှာလည်း မျှဝေထားတာတွေ့ရပါတယ်။ အချက်အလက်စိစစ်ချက် သဲကုန်းမြို့နယ် ကျန်းမာရေးလှုပ်ရှားမှုတွေနဲ့ ဆေးရုံရဲ့ ဆောင်ရွက်ချက်တွေကို ဖော်ပြနေတဲ့ “သဲကုန်းမြို့နယ် ပြည်သူ့ဆေးရုံ”အမည်နဲ့ဖေ့စ်ဘွတ်စာမျက်နှာမှာ ရခိုင်ပြည်နယ်မြောက်ဦးက COVID-19 အတည်ပြုလူနာ ၂လအရွယ်သမီးအဖြစ်ဖော်ပြနေတဲ့ ဒီကလေးငယ်ရဲ့ပုံကို တင်ထားတာတွေ့ရပါတယ်။   “25-8-2020 (၁၃) ကြိမ်မြောက်မှာကံကောင်းနိုင်ပါ့မလား ယနေ့စစ်တွေ ပြန်(၁) ဦးအပါအဝင် စုစုပေါင်း(၁၃) ကို ကိုဗစ်နမူနာရယူလိုက်ပါပြီ မနက်ဖြန်ပို့ပါမည်”စသည်ဖြင့်ရေးသားပြီး ြသဂုတ် ၂၅ […]

Continue Reading

တစ်နိုင်ငံလုံးရှိ စားသောက်ဆိုင်နှင့် လက်ဖက်ရည်ဆိုင်များဆိုင်ထိုင်ခွင့်ပိတ်သိမ်းလိုက်ပြီ ဆိုတဲ့အချက်အလက်မှား

နေရာမောင်Leave a Comment on တစ်နိုင်ငံလုံးရှိ စားသောက်ဆိုင်နှင့် လက်ဖက်ရည်ဆိုင်များဆိုင်ထိုင်ခွင့်ပိတ်သိမ်းလိုက်ပြီ ဆိုတဲ့အချက်အလက်မှား

တစ်နိုင်ငံလုံးရှိ စားသောက်ဆိုင်နှင့် လက်ဖက်ရည်ဆိုင်များဆိုင်ထိုင်ခွင့်ပိတ်သိမ်းလိုက်ပြီဆိုတဲ့ ပို့စ်တစ်ခု လူမှုကွန်ယက်မှာ ပျံ့နှံ့လျက်ရှိတာတွေ့ရပါတယ်။ “Mg Nge”အမည်နဲ့ဖေ့စ်ဘွတ်အသုံးပြုသူက “တစ်နိုင်ငံလုံးရှိ စားသောက်ဆိုင်နှင့် လက်ဖက်ရည်ဆိုင်များ ဆိုင်ထိုင်ခွင့်ပိတ်သိမ်းလိုက်ပြီ(အများသိအောင်ရှယ်ပေးကြပါဦးနော်)”ဆိုပြီး ြသဂုတ် ၂၆ ရက်က အောက်ပါအတိုင်း မျှဝေထားရာ ဒီပို့စ်ကို ပြန်လည်မျှဝေသူ ၁ သောင်း ၇ ကျော်ရှိခဲ့ပါတယ်။ Fb link Archive link အချက်အလက်စိစစ်ချက် သမ္မတရုံးနှင့် နိုင်ငံတော်အတိုင်ပင်ခံပုဂ္ဂိုလ်ရုံးအပါအဝင် ကျန်းမာရေးနှင့် အားကစားဝန်ကြီးဌာနရဲ့ တရားဝင် ဖေ့စ်ဘွတ်စာမျက်နှာတွေမှာ  ဒီလို ညွှန်ကြားချက်မျိုး ထုတ်ပြန်ထားခြင်းမရှိတာတွေ့ရပါတယ်။ Google မှာ “စားသောက်ဆိုင်များ ပိတ်သိမ်းဖို့ ညွှန်ကြား”၊ “စားသောက်ဆိုင်နှင့် လက်ဖက်ရည်ဆိုင်များ ပိတ်သိမ်း”စတဲ့ အဓိကျကတဲ့ စကားလုံးတွေ အသုံးပြုရှာဖွေရှာလည်း ဒီပို့စ်မှာ ပြောထားသလို သတင်းမျိုး တစ်စုံတစ်ရာမတွေ့ရှိရပါဘူး။ စားသောက်ဆိုင်၊ လက်ဖက်ရည်ဆိုင်နဲ့ ဆေးဆိုင်တွေကို […]

Continue Reading

COVID-19 ရောဂါပိုးဖြန့်ကြဖို့ AA တိုက်တွန်းတယ်ဆိုတဲ့ သတင်းတု

နေရာမောင်Leave a Comment on COVID-19 ရောဂါပိုးဖြန့်ကြဖို့ AA တိုက်တွန်းတယ်ဆိုတဲ့ သတင်းတု

COVID-19 ရောဂါပိုးဖြန့်ကြဖို့ ရခိုင်လက်နက်ကိုင်အဖွဲ့(AA)စစ်ဦးစီးချုပ်ထွန်းမြတ်နိုင်က ရခိုင်လူမျိုးတွေကို တိုက်တွန်းတယ်တဲ့ညွှန်ကြားချက်ဆိုတဲ့ ပို့စ်တစ်ခုလူမှုကွန်ယက် သုံးစွဲသူတွေ အကြားမှာပျံ့နှံ့ခဲ့ပါတယ်။ “အဲ့တာကြီးသာအမှန်ဆိုရင်”စသည်ဖြင့်ရေးသားပြီး “MarLar Aung”အမည်နဲ့ဖေ့စ်ဘွတ်သုံးစွဲသူက အောက်ပါ အတိုင်း မျှဝေထားပါတယ်။ ဒီထုတ်ပြန်ချက် ဓာတ်ပုံပို့စ်မှာ COVID-19 ရောဂါကို အသုံးပြုပြီး ရခိုင်နိုင်ငံကို တည်ဆောက်ဖို့နဲ့ ပိုးတွေ့ရှိရတဲ့ ရခိုင်တွေဟာ အဓိကကျတဲ့ ရန်ကုန်နဲ့ မန္တလေးကို ရောဂါပျံ့ပွားအောင်လုပ်ပြီး အစိုးရပြိုလဲအောင်လုပ်ကြဖို့ဆိုပြီးရေးသားထားကာ ဗိုလ်ချုပ်ထွန်းမြတ်နိုင်ဆိုပြီးတော့ လက်မှတ်ရေး ထိုးထားပါတယ်။ Fb link Archive link အချက်အလက်စိစစ်ချက် ပထမဆုံး ရခိုင်လက်နက်ကိုင်တပ်ဖွဲ့က သူတို့ရဲ့ဆောင်ရွက်ချက်တွေနဲ့ ပတ်သက်ပြီး ထုတ်ပြန်နေတဲ့ https://www.arakanarmy.net/news ကို proxy server တစ်ခုအသုံးပြုပြီး ဝင်ရောက်ရှာဖွေရာမှာ ဒီလိုမျိုး သတင်းထုတ်ပြန်ချက် ခြိမ်းခြောက်ရေးသားချက်မျိုး ပြီးခဲ့တဲ့ သီတင်းပတ်တွေအတွင်းမှာ မတွေ့ရှိရပါဘူး။  ရခိုင်ပြည်နယ်မှာ COVID-19 […]

Continue Reading

ဒေါ်အောင်ဆန်းစုကြည် တရားစွဲဆိုမှုကို အရေးယူဆောင်ရွက်ခြင်းမပြုဖို့ ညွှန်ကြားချက် ဆိုတဲ့ ရုံးစာအတု

နေရာမောင်Leave a Comment on ဒေါ်အောင်ဆန်းစုကြည် တရားစွဲဆိုမှုကို အရေးယူဆောင်ရွက်ခြင်းမပြုဖို့ ညွှန်ကြားချက် ဆိုတဲ့ ရုံးစာအတု

ဒေါ်အောင်ဆန်းစုကြည် တရားစွဲဆိုမှုများကို အရေးယူဆောင်ရွက်ခြင်းမပြုဖို့ ပြည်ထောင်စုအစိုးရအဖွဲ့ရုံးက ညွှန်ကြားချက်ဆိုတဲ့ ရုံးစာတစ်ခု လူမှုကွန်ယက်မှာ ပျံ့နှံ့ခဲ့တာတွေ့ရပါတယ်။ ပျံ့နှံ့ခဲ့တဲ့ ရုံးစာမှာ ပြည်ထောင်စုအစိုးရအဖွဲ့ရုံးဝန်ကြီးဌာန၊ အထွေထွေအုပ်ချုပ်ရေးဦးစီးဌာနမှ ထုတ်ပြန်သည့် ညွှန်ကြားချက်အဖြစ် ရုံးစာအဖြစ်ဖော်ပြထားပြီး “ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတရုံး၊ ညွှန်ကြားချက်အမှတ်၊ ၅၄/၂၀၂၀ အရ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား တရားစွဲဆိုလာသောကိစ္စနှင့် ပတ်သက်၍ အရေးယူဆောင်ရွက်နိုင်ခြင်း မရှိစေရေး၊ အထွေထွေအုပ်ချုပ်ရေးဦးစီးဌာနများနှင့် မြန်မာနိုင်ငံပြည်သူ့ရဲတပ်ဖွဲ့များသို့ တိုင်ကြားလာသည်များရှိလျှင် အရေးယူဆောင်ရွက်ပေးနိုင်ခြင်း မပြုစေရေးအတွက် အထူးဂရုပြုဆောင်ရွက်သွားရန် ညွှန်ကြားအပ်ပါသည်”လို့ ဖော်ပြထားတာတာတွေ့ရပြီး ဒုတိယညွှန်ကြားရေးမှူးချုပ် ဆွေဆွေနိုင်က လက်မှတ်ရေးထိုးထားတာကို တွေ့ရှိရပါတယ်။ ဒီစာဟာ ရုံးစာတုဖြစ်ကြောင်း ပြည်ထောင်စုအစိုးရအဖွဲ့ရုံးဝန်ကြီးဌာနက ရှင်းလင်းထားတာတွေ့ရပါတယ်။ Fb link Archive link အချက်အလက်စိစစ်ချက် ဒီလိုပျံ့နှံ့လျက်ရှိတဲ့ပို့စ်နဲ့ပတ်သက်ပြီး ပြည်ထောင်စုအစိုးရအဖွဲ့ရုံးဝန်ကြီးဌာနက “#ရုံးစာအတု သတိပြုရန် အသိပေးကြေညာခြင်း”ဆိုပြီး အောက်ပါအတိုင်း ပြန်လည်ရှင်းလင်းထားတာတွေ့ရပါတယ်။ “ပြည်ထောင်စုအစိုးရအဖွဲ့ရုံးဝန်ကြီးဌာန၊ […]

Continue Reading