ဒေါ်အောင်ဆန်းစုကြည် တရားစွဲဆိုမှုကို အရေးယူဆောင်ရွက်ခြင်းမပြုဖို့ ညွှန်ကြားချက် ဆိုတဲ့ ရုံးစာအတု

False နိုင်ငံရေး | Politics

ဒေါ်အောင်ဆန်းစုကြည် တရားစွဲဆိုမှုများကို အရေးယူဆောင်ရွက်ခြင်းမပြုဖို့ ပြည်ထောင်စုအစိုးရအဖွဲ့ရုံးက ညွှန်ကြားချက်ဆိုတဲ့ ရုံးစာတစ်ခု လူမှုကွန်ယက်မှာ ပျံ့နှံ့ခဲ့တာတွေ့ရပါတယ်။

ပျံ့နှံ့ခဲ့တဲ့ ရုံးစာမှာ ပြည်ထောင်စုအစိုးရအဖွဲ့ရုံးဝန်ကြီးဌာန၊ အထွေထွေအုပ်ချုပ်ရေးဦးစီးဌာနမှ ထုတ်ပြန်သည့် ညွှန်ကြားချက်အဖြစ် ရုံးစာအဖြစ်ဖော်ပြထားပြီး “ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတရုံး၊ ညွှန်ကြားချက်အမှတ်၊ ၅၄/၂၀၂၀ အရ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား တရားစွဲဆိုလာသောကိစ္စနှင့် ပတ်သက်၍ အရေးယူဆောင်ရွက်နိုင်ခြင်း မရှိစေရေး၊ အထွေထွေအုပ်ချုပ်ရေးဦးစီးဌာနများနှင့် မြန်မာနိုင်ငံပြည်သူ့ရဲတပ်ဖွဲ့များသို့ တိုင်ကြားလာသည်များရှိလျှင် အရေးယူဆောင်ရွက်ပေးနိုင်ခြင်း မပြုစေရေးအတွက် အထူးဂရုပြုဆောင်ရွက်သွားရန် ညွှန်ကြားအပ်ပါသည်”လို့ ဖော်ပြထားတာတာတွေ့ရပြီး ဒုတိယညွှန်ကြားရေးမှူးချုပ် ဆွေဆွေနိုင်က လက်မှတ်ရေးထိုးထားတာကို တွေ့ရှိရပါတယ်။

ဒီစာဟာ ရုံးစာတုဖြစ်ကြောင်း ပြည်ထောင်စုအစိုးရအဖွဲ့ရုံးဝန်ကြီးဌာနက ရှင်းလင်းထားတာတွေ့ရပါတယ်။

Fb linkArchive link

အချက်အလက်စိစစ်ချက်

ဒီလိုပျံ့နှံ့လျက်ရှိတဲ့ပို့စ်နဲ့ပတ်သက်ပြီး ပြည်ထောင်စုအစိုးရအဖွဲ့ရုံးဝန်ကြီးဌာနက “#ရုံးစာအတု သတိပြုရန် အသိပေးကြေညာခြင်း”ဆိုပြီး အောက်ပါအတိုင်း ပြန်လည်ရှင်းလင်းထားတာတွေ့ရပါတယ်။

“ပြည်ထောင်စုအစိုးရအဖွဲ့ရုံးဝန်ကြီးဌာန၊ အထွေထွေအုပ်ချုပ်ရေးဦးစီးဌာနမှ ထုတ်ပြန်သည့် ညွှန်ကြားချက်အဖြစ် ရုံးစာ အတု (၁) စောင် ပျံ့နှံလျက်ရှိပါသည်။လူမှုကွန်ရက်တွင် ပျံ့နှံ့နေသော ပူးတွဲပါ ညွှန်ကြားချက်မှာ ရုံးစာအတု ဖြစ်ကြောင်းနှင့် အဆိုပါကိစ္စနှင့်စပ်လျဉ်း၍ အထွေထွေအုပ်ချုပ်ရေးဦးစီးဌာနအနေဖြင့် ညွှန်ကြားချက်၊ အမိန့် တစ်စုံတစ်ရာ ထုတ်ပြန်ထားခြင်းမရှိပါကြောင်း အသိပေးကြေညာအပ်ပါသည်။”ဆိုပြီးတော့ ထုတ်ပြန်ချက်မှာ ဖော်ပြထားပါတယ်။

အောက်ပါလင့်ခ်မှာလည်း ဝင်ရောက်လေ့လာနိုင်ပါတယ်။

Ministry of Union Government Office

သုံးသပ်ချက်

အထက်ပါအချက်အလက်တွေအရ ဒေါ်အောင်ဆန်းစုကြည် တရားစွဲဆိုမှုများကို အရေးယူဆောင်ရွက်ခြင်းမပြုဖို့ ညွှန်ကြားချက်ဆိုတဲ့ ရုံးစာကို ရုံစာအတုအဖြစ် သတ်မှတ်ပါတယ်။

Avatar

Title:ဒေါ်အောင်ဆန်းစုကြည် တရားစွဲဆိုမှုများကို အရေးယူဆောင်ရွက်ခြင်းမပြုဖို့ ညွှန်ကြား ချက် ရုံးစာအတု

Fact Check By: Nayar Maung 

Result: False


Leave a Reply

Your email address will not be published. Required fields are marked *