“ဝိုးးးးစိတ်ချမ်သာစရာကောင်းလိုက်တာ ကြည်နူးရပါတယ်”ဆိုပြီးတော့ “ပြည်တွင်းပြည်ပ-သတင်းစုံ”အမည်နဲ့ဖေ့စ်ဘွတ်အုပ်စုမှာ “H Poat”အမည်နဲ့ဖေ့စ်ဘွတ်သုံးစွဲသူက ၂၀၁၆ ခုနှစ် မတ် ၂၀ ရက်က “May Yee Aung”အမည်နဲ့ဖေ့စ်ဘွတ်သုံးစွဲသူ မျှဝေခဲ့တဲ့ “ဗုဒ္ဓဘာသာဖြစ်ကုန်ကြပြီ”ဆိုတဲ့ ပို့စ်တစ်ခုကို မျှဝေထားတာတွေ့ရပါတယ်။
ဒီပို့စ်မှာ ကမ္ဘာ့ စီးပွားရေး၊လူမှုရေး၊ နိုင်ငံရေးနဲ့ ထင်ရှားနာမည်ကြီးသူတွေ ဗုဒ္ဓဘာသာပြောင်းကုန်တဲ့အကြောင်း ရေးသားထားပြီး အိုင်းစတိုင်းပြောခဲ့တဲ့ ကမ္ဘာမှာ ဗုဒ္ဓဘာသာ တစ်ခုပဲ ကျန်ခဲ့မယ်လို့ပြောတဲ့အကြောင်း ရေးသားထားသလို မင်းသားဂျက်ကီချမ်းနဲ့ ဂျက်လီက အခမ်းအနားတစ်ခုမှာ ဗုဒ္ဓပုံတော်ကို ကိုင်ပြီးတော့ ဓာတ်ပုံရိုက်ခံနေတဲ့ပုံလည်းပါဝင်ပါတယ်။
ဒီပို့စ်ကို လက်ရှိအချိန်အထိလည်း မျှဝေနေတာတွေ့ရပါတယ်။
အချက်အလက်စိစစ်ချက်
Goolge မှာ မျှဝေထားတဲ့ပုံကို ပုံပြောင်းပြန်ရှာနည်းအသုံးပြုရှာဖွေရာမှာ ၂၀၀၇ ခုနှစ်၊ဇွန် ၁၄ ရက်က ဟန်ဒီယန် ရှီရန် (Zhejiang)ခရိုင်မှာလုပ်ခဲ့တဲ့ “King of Kungfu” သတင်းစာရှင်းလင်းပွဲမှာ ရိုက်ကူးခဲ့တဲ့ပုံဖြစ်တာတွေ့ရ ပါတယ်။ ဒီရင်းပုံမှာ ဗုဒ္ဓပုံတော်ကို မင်းသားဂျက်ကီချမ်းက ကိုင်ထားတာမဟုတ်ဘဲ အသိအမှတ်ပြုလက်မှတ် တစ်ခုကို ကိုင်ထားတာတွေ့ရပါတယ်။ အောက်ပါလင့်ခ်တွေမှာ ဝင်ရောက်လေ့လာ နိုင်ပါတယ်။
“May Yee Aung” အမည်နဲ့ဖေ့စ်ဘွတ်သုံးစွဲသူ မျှဝေခဲ့တဲ့ ဓာတ်ပုံကို အောက်ပါအတိုင်းယှဉ်ကြည့်နိုင်ပါတယ်။
သုံးသပ်ချက်
အထက်မှာပါ အချက်အလက်အရ မင်းသားဂျက်ကီချမ်းနဲ့ ဂျက်လီက အခမ်းအနားတစ်ခုမှာ ဗုဒ္ဓပုံတော်ကို ကိုင်ပြီးတော့ ဓာတ်ပုံရိုက်ခံနေတဲ့ပုံဟာ ပြုပြင်ထားတဲ့ ဓာတ်ပုံတစ်ခုဖြစ်တာတွေ့ရပါတယ်။
Title:ဂျက်ကီချမ်းနဲ့ ဂျက်လီက ဗုဒ္ဓပုံတော်ပါတဲ့ ဓာတ်ပုံကိုကိုင်ပြီး ဓာတ်ပုံရိုက်ထား တာလား
Fact Check By: Nayar MaungResult: Misleading
