ဧရာဝတီတိုင်းမှာ ကိုဗစ်မျိုးစိပ်အသစ်တွေ့ရှိရတယ်လို့ ဇန်နဝါရီ ၁၀ ရက်မွန်းလွဲပိုင်းမှာ လူမှုကွန်အသုံးပြု သူများအကြား စတင်ပျံ့နှံ့လာခဲ့တဲ့ ဒီသတင်းဟာ သတင်းမှားတစ်ခုသာဖြစ်ပါတယ်။
ဧရာဝတီစင်တာ(မန္တလေး)မှာ ကိုဗစ်မျိုးစိပ်အသစ်တွေ့ရှိတယ်လို့ ဇန်နဝါရီ ၁၀ ရက် မနက်ပိုင်းမှာ ရွှေမဟာနွယ် သွေးနှင့်ပရဟိတအသင်း ဥက္ကဌ မရွှေမဟာနွယ်အကောင့်ကနေ အတည်မပြုနိုင်တဲ့ သတင်းစတင်ဖြန့်ဝေပြီး နောက်မှာ အခုလို ဧရာဝတီတိုင်းမှာ ကိုဗစ်မျိုးစိတ်အသစ်တွေ့တယ်ဆိုပြီးတော့ ထပ်မံပြန့်နှံ့လျက်ရှိတာ တွေ့ရပါတယ်။
လူမှုကွန်ယက်အသုံးပြုသူများအကြားပျံ့နှံ့ခဲ့သောပို့စ်ကို အောက်ပါအတိုင်းတွေ့ရပါတယ်။ဒီနေရာ၊ ဒီနေရာ ၊ဒီနေရာနဲ့ ဒီနေရာတွေမှာလည်း မျှဝေထားပါတယ်။
“ကိုဗစ်မျိုးစိတ်ကွဲ ဧရာဝတီတိုင်းတွင် စတင်တွေ့ရှိပါပြီလို့သိရပါတယ်.. အလွန်ကူးစက်မြန်ပါတယ်.. သတိထားကြပါ GSL ”လို့ရေးသားပြီး “Aung Naing Htwe” အမည်နဲ့ ဖေ့စ်ဘွတ်အသုံးပြုသူက ဇန်နဝါရီ ၁၀ ရက်နေ့လည်ပိုင်းမှာ ထပ်မံ မျှဝေခဲ့ပါတယ်။
မူရင်းလင်ခ့် – Fb link | Archive link
အချက်အလက်စိစစ်ချက်
ကိုရိုနာဗိုင်းရပ်စ်မျိုးစိပ်အသစ် တွေ့ရှိရတယ်ဆိုတဲ့ ပို့စ်တွေတက်လာပြီးနောက်မှာ ဗဟိုကူးရောဂါ တိုက်ဖျက် ရေးဌာနခွဲ ညွှန်ကြားရေးမှူး ဒေါက်တာခင်ခင်ကြီးက လက်ရှိအချိန်အထိ ဗီဇပြောင်းပိုးသစ်မတွေ့ရ သေးပါဘူး၊ ပျံ့နှံ့လျက်ရှိတဲ့ သတင်းမှားတွေကို မယုံကြည်ကြဖို့ တိုက်တွန်းထားတဲ့ ပို့စ်ကို သူ့ရဲ့ ဖေ့စ်ဘွတ်စာမျက်နှာက တစ်ဆင့်အသိပေးခဲ့တာတွေ့ရပါတယ်။
မူရင်းလင်ခ့် – Dr. Khin Khin Gyi | Archive link
ကျန်းမာရေးနှင့်အားကစားဝန်ကြီးဌာနရဲ့ တရားဝင်ထုတ်ပြန်ချက်တွေနှင့် သတင်းဌာနတွေမှာလည်း ကိုဗစ်နိုင်တင်း ဗိုင်းရပ်စ်ပိုးသစ်တွေ့ရတယ်ဆိုတဲ့ ထုတ်ပြန်ချက်မျိုးမတွေ့ရပါဘူး။
သုံးသပ်ချက်
အထက်ပါအချက်အလက်အရ ဧရာဝတီတိုင်းမှာ ကိုဗစ်နိုင်တင်းဗိုင်းရပ်စ်မျိုးစိပ်အသစ်တွေ့ရတယ်၊ ဧရာဝတီစင် တာမှာ ဗိုင်းရပ်စ်မျိုးစိပ်အသစ်တွေ့ရတယ်ဆိုပြီး မျှဝေနေကြတာတွေဟာ အထောက်အထားမရှိတဲ့ သတင်းမှား မျှဝေနေခြင်းဖြစ်ပါတယ်။ ဗိုင်းရပ်စ်မျိုးစိပ်အသစ်ဟုတ်မဟုတ်ဟာ ဓာတ်ခွဲခန်းမှာ ဓာတ်ခွဲအတည် ပြုပြီးမှာ သာသိရှိနိုင်မှာဖြစ်ပါတယ်။
Title:ဧရာဝတီတိုင်းမှာ ကိုဗစ်မျိုးစိပ်အသစ်တွေ့ရှိတယ်ဆိုတာ မဟုတ်ပါ
Fact Check By: Nayar MaungResult: False
