မိုင်တိုင် ၃၅၄ ကနေ ၃၅၇ အထိ အမြန်လမ်းတလျှောက် ရေကြီးရေလျှံမှုဖြစ်ပြီး ရန်ကုန် - မန္တလေး အမြန်လမ်း လုံးဝ ပိတ်သွားပါပြီလို့ ဆိုထားတဲ့ ပို့စ်စက်တင်ဘာ ၂၇ ရက်မှာ ဖေ့စ်ဘွတ်မှာ ထပ်မံပျံ့နှံ့လျှက်ရှိတာဟာ နားလည်မှုလွဲစေနိုင်တဲ့ သတင်းမှား ဖြစ်တယ်။ စက်တင်ဘာ ၁၃ ရက်က အမြန်လမ်း ရေကျော်မူသတင်းကို ပြန်လည်မျှဝေနေခြင်းဖြစ်တယ်။

အောက်ပါစာသားတွေကတော့ ပျံ့နှံ့မှုအားကောင်းနေတဲ့ ဖေ့စ်ဘွတ်ပို့စ်တခုက ရယူထားခြင်းဖြစ်တယ်။

“ရန်ကုန် - မန္တလေး အမြန်လမ်း လုံးဝ ပိတ်သွားပါပြီ၊ မိုင်တိုင် ၃၅၄၊ ၃၅၅၊ ၃၅၆၊ ၃၅၇ လုံးဝ အခြေအနေ မကောင်းပါ။ ရန်ကုန်ဖက်မှ တက်လာမယ့် ကားရော၊ မန္တလေးဖက်မှ ဆင်းလာမယ့် ကားတွေရော လှည့်ပြန်ကြပါ။ လမ်းပြန်ပွင့်မလားဆိုပြီး မစောင့်ကြပါနဲ့။ အမြန်လမ်းတဝိုက် ရေအလုံးအရင်းဝင်ရောက်မယ့် အခြေအနေ ရှိပါတယ်။ အားလုံးပဲ ဘေးကင်းကြပါစေ။

#အမြန်လမ်း

#ရေကျော်”


မူရင်းလင်ခ့် – Fb link | Archive link

အချက်အလက်စိစစ်ချက်

ဒီရက်ပိုင်းထဲမှာ ရန်ကုန်-မန္တလေး အမြန်လမ်း ရေကျော်ပြီး ကားလမ်းပိတ်ထားတယ်ဆိုတဲ့ သတင်းကို သတင်းလုပ်ငန်းလုပ်ကိုင်နေတဲ့ မီဒီယာတွေမှာဖော်ပြချက်မတွေ့ရပါဘူး။ တကယ်တော့ ဒီလိုဖြန့်‌ဝေ ထားတဲ့အကြောင်းအရာနဲ့ ဓာတ်ပုံတွေ တထပ်တည်း တူညီတဲ့ ဖေ့စ်ဘွတ်ပို့စ်ကို စက်တင်ဘာ ၁၃ ရက်ကတည်းက တွေ့ရပါတယ်။ Price News အမည်နဲ့ ဖေ့စ်ဘွတ်စာမျက်နှာက စက်တင်ဘာ ၁၃ ရက်က မျှဝေမှု ဒီလင့်ခ်မှာကြည့်ပါ။

Also read - Fact Check: တရုတ်နိုင်ငံကို ရဂီ မုန်တိုင်း ဝင်‌ရောက်မှု ဗွီဒီယိုလား- မဟုတ်ပါ


ဒီအပြင် ဒီအမြန်လမ်း‌ပေါ် ‌ရေ‌ကျော်လာလို့ လမ်းပိတ်ထားရတဲ့အကြောင်း စက်တင်ဘာ ၁၃ ရက်က Myanmar Labour News ရဲ့ သတင်းဖော်ပြချက်မှာလည်း ဒီဓာတ်ပုံကို အသုံးပြုထားတာတွေ့ရပါတယ်။ မန္တလေးတိုင်း တံတားဦးမြို့အနီးမှာ အမြန်လမ်းမထက် ရေကျော်နေတဲ့ ဓာတ်ပုံဖြစ်တာတွေ့ရပါတယ်။


သုံးသပ်ချက်

ဒီရက်ပိုင်းထဲမှာ ရန်ကုန်-မန္တလေး အမြန်လမ်း ရေကျော်ပြီး ကားလမ်းပိတ်ထားတယ်ဆိုတဲ့ အ‌ထောက် အထားမရှိပါဘူး။ လက်ရှိ ဖေ့စ်ဘွတ်မှာ ပြန်လည်ပျံ့နှံ့လာတဲ့ ဓာတ်ပုံနဲ့ ပြောဆိုချက်ဟာ စက်တင်ဘာ ၁၃ ရက်က အမြန်လမ်းရေကြီးရေလျှံမှုဖြစ်စဉ်က ဖြစ်တာတွေ့ရပါတယ်။


ရေကြီးရေလျှံမိုးလေဝသသတင်းတု
Claim Review :   ရန်ကုန်-မန္တလေး အမြန်လမ်း ရေကျော်ပြီး ကားလမ်းပိတ်ထားတယ်
Claimed By :  Social Media Users
Fact Check :  FALSE