Fact Check: ကျောက်ဆည်အချုပ်ထောင်ကို အချုပ်သားများ မီးရှို၊သေနတ်လုပစ်ခတ်မှု ၅၈ ဦးသေဆုံးဆိုတဲ့နားလည်မှုလွဲစေနိုင်တဲ့သတင်းမှား

ကျောက်ဆည်အချုပ်ထောင်မီးရှို့လိုက်ပြီ၊အချုပ်သားများက သေနတ်လုပြီးပစ်ကုန်ပြီ၊စစ်ခွေး (၅၈) ဦး သေဆုံးဆိုတဲ့ ဗွီဒီယို ပုံစံနဲ့ပို့စ်တစ်ခု ဖေ့စ်ဘွတ်အသုံးပြုသူတွေရဲ့အကြား ပျံ့နှံ့မှု့ အားကောင်း ခဲ့ပါတယ်။ သတင်းတုဖြန့်ချိနေခြင်းဖြစ်ပါတယ်။

ပျံ့နှံ့နေတဲ့ ဒီဗွီဒီယိုပို့စ်မှာ “ကျောက်ဆည်အချုပ်ထောင်မီးရှို့လိုက်ပြီ၊အချုပ်သားများက သေနတ်လုပြီး ပစ်ကုန်ပြီ၊ စစ်ခွေး (၅၈) ဦး သေဆုံး “စသည် ဖြင့် ရေးသားကာ “Get the Light”အမည်နဲ့ ဖေ့စ်ဘွတ်အသုံးပြုသူက အောက်ပါအတိုင်း မျှဝေထားပါတယ်။ 

မူရင်းလင်ခ့် –FB link|  Archive link

အလားတူ တူညီတဲ့ရေးသားမျှဝေမှုတွေကို ဒီနေရာ၊ ဒီနေရာ၊ ဒီနေရာမှာ တွေ့ရပါတယ်။

အချက်အလက်စိစစ်ချက်

၁၀မိနစ်ကျော် ရှည်လျားတဲ့ ဒီဗွီဒီယိုဖိုင်တစ်ခုလုံးမှာ ဗွီဒီယိုဖိုင် အဖွင့်မှာပါတဲ့ “ကျောက်ဆည်အချုပ် ထောင်မီးရှို့ လိုက်ပြီ၊အချုပ်သားများက သေနတ်လုပြီးပစ်ကုန်ပြီ၊စစ်ခွေး (၅၈) ဦး သေဆုံး”ဆိုတဲ့ အကြောင်းအရာ မပါဝင် ပါဘူး။ 

အမှန်တကယ် အသံဖိုင်ထဲမှာ  ပါဝင်တဲ့အကြောင်းအရာတွေက ” နိုင်ငံရေးအကျဉ်းသားများ ရှိနေသည့် ကျောက်ဆည်အချုပ်ထောင်တွင် ပစ်ခတ်မှုများဖြစ်ပြီး နာရေးကားများ ဝင်ထွက်နေ” ၊“အာဆီယံအကျပ်ရိုက် နေသော မြန်မာ့အရေး အမေရိကန် ဦးဆောင်ကိုင်တွယ်သင့်ပြီ” စတဲ့ ရန်ကုန်ခေတ်သစ်သတင်းဌာနက ဖော်ပြခဲ့တဲ့ သတင်းနဲ့ သတင်းဆောင်းပါးကို ပြန်လည်ဖတ်ကြားနေတာသာဖြစ်ပါတယ်။ 

သုံးသပ်ချက်

အထက်ပါအချက်အလက်အရ “ကျောက်ဆည်အချုပ်ထောင်မီးရှို့လိုက်ပြီ၊အချုပ်သားများက သေနတ်လုပြီး ပစ်ကုန်ပြီ၊စစ်ခွေး (၅၈) ဦး သေဆုံးဆိုတဲ့” ဆိုတဲ့သတင်းဟာ လူစိတ်ဝင်စားမှုရရှိအောင်  သတင်းခေါင်းစဉ်တုနဲ့ မျှဝေနေခြင်းဖြစ်ပါတယ်။