ရန်ကုန်ဝန်ကြီးချုပ်နဲ့အဖွဲ့ ဆူးလေဘုရားလမ်းမှာ ရဟတ်ယာဉ်ကျသေဆုံးမှုဆိုတဲ့ ဗွီဒီယိုတခု ယူကျူ့မှာ ပျံ့နှံ့မှုအားကောင်း လျှက်ရှိပါ တယ်။ သတင်းတုတခုဖြစ်တာတွေ့ရပါတယ်။
အောက်ပါစာသားတွေကတော့ ဖေ့စ်ဘွတ်မှာ ပျံ့နှံ့မှုအားကောင်းနေတဲ့ ဗွီဒီယိုပို့စ်ပါစာသား ကောက်နုတ် ချက်ဖြစ်တယ်။
“မြို့လယ်ကောင်မှာ အသေဆိုးနဲ့သေပြီ၊ရုပ်သံ
ဝဋ်လည်ပြီ
ရန်ကုန်ဝန်ကြီးချုပ်နဲ့အဖွဲ့ Mi-27 ရဟတ်ယာဉ်ပြုတ်ကျလို့
ဆူးလေလမ်းမပေါ်မှာ ပွဲချင်းပြီးသေဆုံး”
မူရင်းလင်ခ့် – Youtube link | Archive link
အချက်အလက်စိစစ်ချက်
“ရန်ကုန်ဝန်ကြီးချုပ်နဲ့အဖွဲ့ ဆူးလေဘုရားလမ်းမှာ ရဟတ်ယာဉ်ကျသေဆုံးမှု”ဆိုတဲ့ အကြောင်းကို သတင်းလုပ်ငန်းလုပ်ကိုင်နေတဲ့ မီဒီယာတွေမှာ သတင်းဖော်ပြချက် မတွေ့ရပါဘူး။ တကယ်တမ်းမှာ “Star Vibes”အမည်နဲ့ ယူကျူ့ချန်နယ်ဟာ သတင်းတု ဗွီဒီယိုတွေ ဖြန့်ချိနေတဲ့ နေရာတခုဖြစ်တာတွေ့ရပါတယ်။
တကယ်တမ်းမှာ ပြီးခဲ့တဲ့ ရက်ပိုင်းအတွင်းမှာ ရခိုင်ပြည်နယ် အမ်းမြို့နယ်ဘက်က ပြန်လာတဲ့ စစ်တပ်ရဟတ်ယာဉ် ငဖဲမြို့နယ်ဘက်မှာ စက်ချို့ယွင်းမှုဖြစ်ပေါ်ပြီး အရေးပေါ် ဆင်းသက်ခဲ့ရတဲ့ ဖြစ်စဉ်တခုဖြစ်ခဲ့ပါတယ်။ ဒီရဟတ်ယာဉ်ပေါ်မှာ ရန်ကုန်တိုင်းဝန်ကြီးချုပ်နဲ့အဖွဲ့ပါလာတယ်ဆိုတဲ့ အထောက်အထားမရှိသလို သေဆုံးမှုဆိုတဲ့အကြောင်းလည်း သတင်းမှာဖော်ပြခြင်းမရှိပါဘူး။
၂ မိနစ်ကျော်ရှည်လျားတဲ့ ဒီဗွီဒီယိုထဲမှာနောက်ထပ် အကြောင်းအရာကတော့ ၂၀၂၄ ခုနှစ် မတ်လထဲမှာ “တောင်ငူလေတပ်စခန်း ၁၀၇ မမ ရှော့တိုက်ဒုံးနဲ့ပစ်ခတ်မှု”သတင်းကို ပြန်လည်မျှဝေထား ခြင်းဖြစ်တယ်။
သုံးသပ်ချက်
“Star Vibes”အမည်နဲ့ ယူကျူ့ချန်နယ်ဟာ သတင်းတု ဗွီဒီယိုတွေ ဖြန့်ချိနေတဲ့ နေရာတခု ဖြစ်တာတွေ့ရပြီး ရန်ကုန်ဝန်ကြီးချုပ်နဲ့အဖွဲ့ ဆူးလေဘုရားလမ်းမှာ ရဟတ်ယာဉ်ကျသေဆုံးမှုဆိုတဲ့ ဗွီဒီယိုဟာ သတင်းတုခုသာဖြစ်တယ်။
ပြောဆိုချက်- ရန်ကုန်ဝန်ကြီးချုပ်နဲ့အဖွဲ့ ဆူးလေဘုရားလမ်းမှာ ရဟတ်ယာဉ်ကျသေဆုံး
Title:Fact Check: ရန်ကုန်ဝန်ကြီးချုပ်နဲ့အဖွဲ့ ဆူးလေလမ်းမှာ ရဟတ်ယာဉ်ကျသေဆုံးတဲ့ သတင်းတု
Fact Check By: နေရာမောင်Result: False
