“Corona virus ကို Betadine နဲ့ ကာကွယ်ပါ”ဆိုပြီးတော့ ကြော်ငြာတစ်ခုကို “Betadine Myanmar”အမည်နဲ့ ဖေ့စ်ဘွတ်စာမျက်နှာမှာ ဖော်ပြထားတာတွေ့ရပါတယ်။
“လေ့လာတွေ့ရှိချက်များအရ Betadine တွင် ပါဝင်သော ပိုဗီဒုန်း အိုင်အိုဒင်း သည် SARS-CoV and MERS-CoV ကဲ့သို့ Corona virus ကို ပိုးသတ်အာနိသင် ထိရောက်မှုရှိကြောင်း တွေ့ရှိရပါသည်။ ယခုဖြစ်ပေါ်နေသော COVID-19 သည် SARS-CoV နှင့် ဇီဝအမျိုးအစား ၇၀% တူကြောင်း လေ့လာတွေ့ရှိချက်များအရ သိရှိရပါသည်”ဆိုပြီး လည်ချောင်းဖျန်းဆေးရည်၊အာလုပ်ကျင်းဆေးရည်နဲ့ လက်ဆေး ဆေးရည်တွေကိုကြော်ငြာထား တာတွေ့ ရပါတယ်။
အချက်အလက်စိစစ်ချက်
ကမ္ဘာ့ကျန်းမာရေးအဖွဲ့က လူတွေကြားမှာရေပန်းစားနေတဲ့ ကောလာဟလတွေကို ရှင်းလင်းထုတ်ပြန်ထား တဲ့အထဲမှာ ခံတွင်းသန့်ဆေးရည်တွေလည်း ပါဝင်တာတွေ့ရပါတယ်။ ဖေဖော်ဝါရီလထဲမှာ ဖိလစ်ပိုင် ကမ္ဘာ့ ကျန်းမာရေး အဖွဲ့က ပါးစပ်သန့်ဆေးရည်တွေက COVID-19 ကိုကာကွယ်နိုင်စွမ်းရှိတယ် ဆိုတဲ့အထောက် အထားမတွေ့ရဘူးလို့ ပြောကြားထားတာတွေ့ရပါတယ်။ အောက်ပါလင့်ခ်မှာ ဝင်ရောက်လေ့လာနိုင်ပါတယ်။
ဖိလစ်ပိုင်နိုင်ငံက ဗီတာဒိုင်းကုမ္ပဏီကလည်း ဗီတာဒိုင်းကလည်း ကိုရိုနာဗိုင်းရပ်စ်ကာကွယ်ရေးနည်းလမ်းတွေ ကို ပြောကြားထားရာမှာ ကမ္ဘာ့ကျန်းမားရေးအဖွဲ့ရဲ့ လမ်းညွှန်ချက်တွေဖြစ်တဲ့ လက်ကိုမကြာခဏ သေသေချာချာ ဆေးကြောဖို့၊ အိမ်မှာနေဖို့နဲ့ ခပ်ခွာခွာနေထိုင်ဖို့စတဲ့ အကြောင်းအရာတွေကို အဓိက ဖော်ပြထားတာတွေ့ ရပါ တယ်။ အောက်ပါလင့်ခ်မှာ ဝင်ရောက်လေ့လာနိုင်ပါတယ်။
မေလ ၆ ရက်က The Times of India သတင်းဌာနက ရေးသားချက်အရ ပိုဗီဒုန်း အိုင်အိုဒင်း(Povidone-Iodine)ကို အိန္ဒိယကမှာ COVID-19 အတည်ပြုလူနာတွေနဲ့ စမ်းသပ်ခဲ့တာတွေ့ရပြီး အပြုသဘောဆောင်တဲ့ ရလာဒ်ရှိခဲ့တယ်လို့ သုတေသနကို ဉီးဆောင်ခဲ့တဲ့ တွဲဖက်ပါမောက္ခ Dr Sumita Shakar ပြောကြားခဲ့တာ တော့ရှိပါတယ်။ ဒီရလာဒ်ဟာ စမ်းသပ်မှုသာရှိသေးတာလည်းတွေ့ရပါတယ်။ အောက်ပါလင့်ခ်မှာ ဝင်ရောက် လေ့လာနိုင်ပါတယ်။
အလားတူ clinicaltrials.gov ဝက်ဆိုဒ်အရ အမေရိကန်မှာလည်း ဘီတာဒိုင်းရဲ့ ပံ့ပိုးမှုနဲ့ စတန်းဖို့ဒ်တက္ကသိုလ် ကဉီးဆောင်ပြီး နှာခေါင်းဖြန်းဆေးရည်ကို COVID-19 လူနာတွေနဲ့စမ်းသပ်ဖို့လုပ်နေတာတွေ့ရပြီး လေ့လာဆဲအဆင့်မှာသာရှိသေးပြီး အစောဆုံး ဇူလိုင်လထဲမှာမှ ဒီစမ်းသပ်က ပြီးစီးမှာဖြစ်ပါတယ်။ အောက်ပါလင့်ခ်မှာ ဝင်ရောက်လေ့လာနိုင်ပါတယ်။
သုံးသပ်ချက်
အထက်ပါအချက်အလက်တွေ ပိုဗီဒုန်းအိုင်အိုဒင်း(Povidone-Iodine)ဟာ ဘက်တီးရီးယားတွေနဲ့ ဗိုင်းရပ်စ် တစ်ချို့ အပေါ်မှာ ထိရောက်တဲ့ ရလာဒ်ကောင်းတွေရှိထားပြီးဖြစ်ပေမဲ့ ကိုရိုနာဗိုင်းရပ်စ်ကို ကာကွယ်နိုင်ကုသနိုင် တယ်ဆိုတဲ့အထောက်အထားအတိအကျမရှိသေးဘဲ စမ်းသပ်ဆဲအဆင့်မှာသာရှိသေး တာတွေ့ရပါတယ်။ ဒါကြောင့် “Betadine Myanmar”ကရေးသားတဲ့အချက်အလက်ဟာ လှည့်စားထားတဲ့ သတင်းတစ်ခုဖြစ်ပါတယ်။
Title:ပိုဗီဒုန်း အိုင်အိုဒင်း(Povidone-Iodine) ဟာ COVID-19 ကို ကုသနိုင်၊ ကာကွယ်နိုင်တဲ့ အထောက် အထားမရှိသေးပါ
Fact Check By: Nayar MaungResult: Misleading
