COVID-19 လူနာအမှတ် ၃၁၁ ဟာ လာအိုက ခိုးပြန်လာသူဖြစ်ပြီး YBS-90 စီးနင်းခဲ့တယ်ဆိုတဲ့ သတင်းမှား

Coronavirus False ဆေးဘက်ဆိုင်ရာ၊

မြန်မာနိုင်ငံမှာ ဇူလိုင် ၆ ရက်နေ့အထိ COVID-19 အတည်ပြုလူနာ ၃၁၃ အထိရှိလာပြီဖြစ်တယ်လို့ ကျန်းမာရေးနှင့်အားကစားဝန်ကြီးဌာနက ထုတ်ပြန်ထားပါတယ်။ ဒီအရေအတွက်ထဲမှာ ပြည်တွင်းကူးစက်မှုနည်း ပါးပြီး များစုဟာ ပြည်ပမှ ပြန်လည်ဝင်ရောက်လာသူတွေဖြစ်တာတွေ့ရပါတယ်။

ဒီလိုအခြေအနေမျိုးမှာ ပြည်ပကပြန်လာသူတွေနဲ့ ပတ်သက်တဲ့ COVID-19 သတင်းတွေဟာ လူမှုကွန်ယက်မှာ ရေးပန်းစားလေ့ရှိပါတယ်။ အခုတစ်ခါမှာလည်း လူနာအမှတ် ၃၁၁ ဟာ လာအိုကနေ တရားမဝင်ဝင် ရောက်လာပြီး၊ ရန်ကုန်မှာ အများပိုင်သယ်ယူပို့ဆောင်ရေးယာဉ်ကို အသုံးပြုခဲ့ကြောင်း မျှဝေခဲ့တာတွေ့ရှိပါတယ်။

“Wai Yan Aung”၊ “Zaw Zaw Oo”စတဲ့ဖေ့စ်ဘွတ်သုံးစွဲသူတွေက အောက်ပါအတိုင်းမျှဝေထားတာတွေ့ရပါတယ်။

Fb linkFb link
Archive linkArchive link

အချက်အလက်စိစစ်ချက်

လူမှုကွန်ယက်သုံးစွဲသူတွေအကြားမှာ ပျံ့နှံ့နေတဲ့ COVID-19 လူနာအမှတ် C-311 အသက် (၄၃) နှစ်အရွယ် အမျိုးသားဟာ တရားဝင်လမ်းကြောင်းကဝင်ရောက်လာသူဖြစ်ပြီး ရန်ကုန်မှာ အများသုံးသယ်ယူပို့ဆောင်ရေး ဘက်စ်ကားကို စီးနင်းခဲ့ခြင်းမရှိတာတွေ့ရပါတယ်။ သတင်းမှားတွေနဲ့ ပျံ့နှံ့လျက်ရှိတဲ့လူနာအမှတ် ၃၁၁ နဲ့ ပတ်သက်ပြီး ကျန်းမာရေးနှင့် အားကစားဝန်ကြီးဌာန ဇူလိုင် ၆ ရက်နေ့မှာ ညနေပိုင်းမှာ အောက်ပါအတိုင်း ပြန်လည်ရှင်းလင်းထုတ်ပြန်ခဲ့တာတွေ့ရပါတယ်။ 

ဇူလိုင် ၄ ရက်က အတည်ပြုလူနာ နောက်ထပ် ၇ ဉီးထပ်မံတွေ့ရှိရကြောင်း ကျန်းမာရေးနှင့် အားကစားဝန်ကြီး ဌာနက ကြေညာခဲ့ရာမှာလည်း လူနာအမှတ် ၃၁၁ ဟာ အသွားအလာကန့် သတ်စောင့်ကြည့်ထားရှိသူ အဖြစ်ထုတ်ပြန်ခဲ့တာတွေ့ရပါတယ်။

MOHSArchive link

သုံးသပ်ချက်

အထက်ပါအချက်အလက်စိစစ်ချက်တွေအရ လူနာအမှတ် ၃၁၁ ဟာ လာအိုကနေ တရားမဝင်ဝင်ရောက်လာပြီး ရန်ကုန်မှာ အများပိုင်သယ်ယူပို့ဆောင်ရေးယာဉ်ကို အသုံးပြုခဲ့တယ်ဆိုတဲ့ အချက်ကို အချက်အလက်မှားအဖြစ် သတ်မှတ်ပါတယ်။

Avatar

Title:COVID-19 လူနာအမှတ် ၃၁၁ ဟာ လာအိုက ခိုးပြန်လာသူဖြစ်ပြီး YBS-90 စီးနင်းခဲ့တယ်ဆိုတဲ့ သတင်းမှား

Fact Check By: Nayar Maung 

Result: False


Leave a Reply

Your email address will not be published. Required fields are marked *