Fact Check: လက်ဝှေ့ကစားသမား ဖိုးသော်သေဆုံးတဲ့သတင်းမှား

လက်ဝှေ့ကစားသမားဖိုးသော် သေဆုံးသွားပြီလို့ရေးသားထားတဲ့ ဖေ့စ်ဘွတ်ပို့စ်ကို လူထောင်ဂဏန်းက ပြန်လည်မျှဝေလျှက်ရှိပါတယ်။ ကန်တော်ကြီးဝင်းအတွင်း ဗုံးပေါက်ခွဲမှုမှာ ဒဏ်ရာရရှိခဲ့ပြီး ယင်းဒဏ်ရာနဲ့  ဆေးရုံတက်ရောက်ကုသနေစဉ်မှာ စစ်တပ်က ဖမ်းဆီးခြင်းခံလိုက်ရပါတယ်။

ဖိုးသော်ဟာ ဗုံးပေါက်ကွဲမှုကြောင့် စိုးရိမ်ရတဲ့ ဒဏ်ရာရရှိခဲ့တယ်ပေမဲ့ သေဆုံးတဲ့သတင်းအထောက်အထားမျိုး မတွေ့ရပါဘူး။

 “ဖိုးသော် ဆုံးသွားပြီ

စိတ်မကောင်းဘူးညီ။

ဘယ်တတ်နိုင်ပါ့မလဲ

စစ်ကောင်စီရဲ့ ယုတ်မာမှုတွေကတော့ ငါတို့ပြည်သူတွေအတွက်တော့ ကမ္ဘမကြေပါပဲ။

ကောင်းရာဘုံဘဝမှာ ငြိမ်းချမ်းပါစေ။

😭😭😭

ဉာဏ်လှိုင်

7-5-2021”လို့ေရးသားပြီး “Jo Tiger”အမည်နဲ့ ဖေ့စ်ဘွတ်အသုံးပြုသူကမျှဝေထားရာမှာ ပြန်လည်မျှဝေသူ ၁ ထောင်ကျော်ရှိပါတယ်။ အလားတူရေးသားမျှဝေမှုတွေကို ဖေ့စ်ဘွတ်ပို့စ်တွေဖြစ်တဲ့ ဒီနေရာ၊ဒီနေရာ၊ဒီနေရာမှာ တွေ့ရပြီး ဝက်ဘ်ဆိုဒ်စာမျက်နှာဖြစ်တဲ့ ဒီနေရာမှာလည်း ေတွ့ရပါတယ်။

မူရင်းလင်ခ့် – Fb link |  Archive link 

အချက်အလက်စိစစ်ချက်

ဖိုးသော်သေဆုံးသွားပြီဆိုတဲ့သတင်းတွေဟာ မေ ၇ ရက်မနက်ပိုင်းကစပြီး ဖေ့စ်ဘွတ်အသုံးပြုသူတွေအကြား ပျံ့နှံနေခဲ့တာဖြစ်ပါတယ်။ဖိုးသော်သေဆုံးတယ်ဆိုတဲ့ သတင်းမျိုး အခြားသော သတင်းအဓိက လုပ်ကိုင်နေတဲ့ မီဒီယာတွေမှာ မတွေ့ရပါဘူး။ သူသေဆုံးတယ်ဆိုတာ မဟုတ်ကြောင်း သူနဲ့နီးစပ်သူ ၂ ဦးက အတည်ပြု ချက်ပေးခဲ့တယ်လို့ မဇ္ဈိမသတင်းဌာနက မေ ၇ ရက်နေ့လည်ပိုင်းမှာ ဖော်ပြပါတယ်။ 

https://www.facebook.com/MizzimaDaily/posts/4356554641046074

မူရင်းလင်ခ့် – Mizzima Burmese |  Archive link

နာမည်ကြီး လက်ဝှေ့သမား အောင်လှအန်ဆန်ကလည်း ဖိုးသော်အမြန်နေကောင်းပါစေကြောင်း မေ ၆ ရက်က ဆုတောင်းရေးသားထားတာတွေ့ရပါတယ်။ သို့သော်လည်း ဖိုးသော်သေဆုံးတဲ့သတင်းမျိုးမတွေ့ရပါဘူး။

သုံးသပ်ချက်

အထက်ပါအချက်အလက်တွေအရ လက်ဝှေ့သမားဖိုးသော် ဗုံးထိမှန်ပြီး ဒဏ်ရာရရှိခဲ့တာမှန်ပေမဲ့ သေဆုံးတယ်ဆိုတဲ့အထောက်အထားမျိုးမရှိပါဘူး။