ဇွန်လ (၁) ရက်နေ့ ကျောင်းဖွင်းချိန် ရန်ကုန်နဲ့ မန္တလေးမှာ ဗုံးပေါက်ကွဲလို့ ဆရာ၊ဆရာမ ၃၀ ကျော်သေဆုံး တယ်ဆိုတဲ့ပို့စ်တစ်ခု ဖေ့စ်ဘွတ်အသုံးပြုသူတွေအကြား ပျံ့နှံ့မှုအားကောင်း လျှက်ရှိပါတယ်။
အောက်ပါစာသားတွေကတော့ ပျံ့နှံ့မှုအားကောင်းနေတဲ့ ပို့စ်ပါစာသားကောက်နုတ်ချက်ဖြစ်ပါတယ်။ တူညီတဲ့ ရေးသားမျှဝေမှုကို ဖေ့စ်ဘွတ်ရဲ့ ဒီနေရာနဲ့ ဒီနေရာမှာလည်း ရေးသားထားပါတယ်။
မူရင်းလင်ခ့် – Youtube link | Archive link
အချက်အလက်စိစစ်ချက်
စစ်ကောင်စီ လက်အောက်ကကျောင်းဖွင့်ချိန်ကို အကြောင်းပြုပြီး လူစိတ်ဝင်စားဖွယ် သတင်းခေါင်းစဉ်လွဲတပ်ပြီး မီဒီယာအချို့မှာဖော်ပြခဲ့တဲ့ သတင်းတွေကို မျှဝေနေခြင်းဖြစ်တယ်။ တကယ်တော့ ဗွီဒီယိုထဲမှာ အခုလို ဗုံးပေါက်ကွဲမှုကြောင့် ဆရာ၊ဆရာမ ၃၀ ဦးသေဆုံးတဲ့ သတင်းမပါဝင်ပါဘူး။ သတင်းလုပ်ငန်းအဓိက လုပ်ကိုင်နေတဲ့ မီဒီယာတွေမှာ ဒီသတင်းဖော်ပြချက်မျိုးမရှိပါဘူး
ထို့အပြင် ဗွီဒီယိုပါအကြောင်းအရာတွေဟာ ရန်ကုန်ခေတ်သစ်သတင်းဌာနကဖော်ပြခဲ့တဲ့ “ဇွန် ၁ ရက် နေ့လယ် ပိုင်း ရုပ်သံသတင်းအစီအစဉ်”ဗွီဒီယိုပါသတင်းတွေကိုခေါင်းစဉ်လွဲတပ်ပြီး ပြန်လည်မျှဝေနေခြင်းဖြစ်တယ်။
ဗွီဒီယိုထဲမှာ “မင်းတပ် အခြေစိုက် ခလရ ၂၇၄ မှ ဒုတပ်ရင်းမှူး ဗိုလ်မှူး စိုးထက်ပိုင်တိုး စနိုက်ပါ ထိမှန် သေဆုံး”၊ “မော်လိုက်တွင် စစ်တပ်က ကပ္ပိယ ဦးဘချစ်ကို သတ်ဖြတ်”၊ “အရပ်ဝတ်ဖြင့် သွားလာနေသော တောင်ငူလေကြောင်းရန်တပ်က ဒုဗိုလ်မှူးကြီး ရဲနိုင်ကို PDF က ပစ်သတ်နိုင်ခဲ့”၊ “Border News Agency”အမည်နဲ့ဖေ့စ်ဘွတ်စာမျက်နှာကဖော်ပြခဲ့တဲ့ “လေးတောင်မြို့မှာ မိုးကြိုးပစ်ခံရပြီးကျောင်းသား ၂ ဦးသေဆုံး”၊ “စစ်ကောင်စီလေတပ်နှင့်ဒေါက်တိုင်များကို အပြီးသတ်ချေမှုန်းနိုင်ရန် မြို့ပြပြောက်ကျား စစ်သည်တော်များနှင့် ပူးပေါင်းသွားမည်ဟု BWM ကြေညာ”စတဲ့ သတင်းတွေကို ဖော်ပြနေခြင်းဖြစ်ပါတယ်။
သုံးသပ်ချက်
မီဒီယာအချို့မှာဖော်ပြခဲ့တဲ့ သတင်းတွေကို ပြန်လည်ကူးယူဖြန့်ဝေရာမှာ လူတွေ စိတ်ဝင်စားမှုရဖို့အတွက် သတင်းခေါင်းစဉ်တု၊ခေါင်းစဉ်လွဲကို လိုအပ်သလိုတပ်ပြီး ဖြန့်ချိနေခြင်းဖြစ်တာတွေ့ရပါတယ်။ တကယ်တမ်း စစ်ကောင်စီလက်အောက်ခံကျောင်းတွေရဲ့ ကျောင်းဖွင့်ရက်မှာ ရန်ကုန်နဲ့ မန္တလေးမှာ ဗုံးခွဲတိုက်ခိုက်ခဲ့ရလို့ သေဆုံးမှု သတင်းမျိုးမတွေ့ရပါဘူး။
ပြောဆိုချက်- ဇွန် ၁ ရက်နေ့ ကျောင်းဖွင့်ရက် ရန်ကုန်နဲ့မန္တလေားမှာ ဗုံးပေါက်လို့ ဆရာ၊ဆရာမ ၃၀ ကျော်သေဆုံး
Title:Fact Check: ဇွန် ၁ ရက်နေ့ ကျောင်းဖွင့်ချိန် ဗုံးပေါက်လို့ ဆရာ၊ဆရာမ ၃၀ ကျော်သေဆုံးတဲ့ သတင်းတု
Written By: နေရာမောင်Result: False
