ပုဂံဘုရားတွေကိုမိုင်းခွဲသွားတာတဲ့ မြင်ကွင်းဆိုပြီးတော့ ဘုရားတစ်ဆူအနီးမှာ မီးလောင်နေတဲ့ မြင်ကွင်း ဓာတ်ပုံတစ်ခုကို လူမှုကွန်ယက် အသုံးပြုသူ ထောင်ဂဏန်းက ပြန်လည်မျှဝေလျက်ရှိပါတယ်။
သို့သော်လည်း ဒီဓာတ်ပုံဟာ ၂၀၁၉ ခုနှစ်က ပုဂံမြို့သစ် မင်းနန်သူ ရွာဘုန်းကြီးကျောင်းအတွင်း မီးလောင်မူဖြစ်ပွားတဲ့ ဓာတ်ပုံဖြစ်ပါတယ်။
“ယနေ့..နေ့လည် ပုဂံ ဖြစ်ပွားခဲ့တဲ့ဖြစ်ရက်😭
အရမ်းဝမ်းနည်းမိတယ်.. ပုဂံဘုရားများ..မိုင်းခွဲသွားတာ😭💔
မြန်မာမှာပုဂံဆိုတာဘုရားစေတီအပေါဆုံနေရာ….ဒါလေးမှမupရင်လည်း…မင်းတိုကမြန်မာမဟုတ်တော့ဘူး😊🖕🏻
#Up
#savemyanmarplz
#crdphoto
#crd”လို့ရေးသားပြီး “San Myint Aye” အမည်နဲ့ဖေ့စ်ဘွတ်အသုံးပြုသူက အောက်ပါအတိုင်းမျှဝေထားရာမှာ ဒီပို့စ်ကို ပြန်လည်မျှဝေမှုအရေအတွက် ၈ ထောင် ၄ ရာကျော်ရှိပါတယ်။တူညီတဲ့ ရေးသားမျှဝေမှုကို ဒီနေရာနဲ့ ဒီနေရာမှာလည်း တွေ့ရပါတယ်။
မူရင်းလင်ခ့် – Fb link | Archive link
Google မှာပုံရှာနည်းအသုံးပြုရှာဖွေကြည့်ရာမှာ ဒီဓာတ်ပုံဟာ ၂၀၁၉ ခုနှစ်က ကတည်း အင်တာနက်မှာ ပျံ့နှံ့လျက်ရှိတာ အောက်ပါအတိုင်းတွေ့ရပါတယ်။
“17-2-2019 12:45 အချိန်ခန့်-မန္တလေးတိုင်းဒေသကြီး ပုဂံမြို့ သစ် မင်းနန်သူ ရွာဘုန်းကြီးကျောင်းအတွင်မီးလောင်မူဖြစ်ပွားကြောင်းသတင်းရရှိသဖြင့်ပုဂံမြို့အရန်မီးသတ်တပ်ဖွဲ့များမှ မီးသတ် ယာဉ်( 2 )စီးဖြင့်ထွက်ခွာငြှိမ်သတ်လျှက်ရှိပါသည် ။
ပုဂံမြို့
အရန်မီးသတ်တပ် ဖွဲ့
(MCRA)SH.Oo.Aung.Ko.မျှဝေသည်။”လို့ရေးသားပြီး KalayMyo MCRA အမည်နဲ့ဖေ့စ်ဘွတ်စာမျက်နှာက ၂၀၁၉ ခုနှစ် ဖေဖော်ဝါရီ ၁၇ ရက်ကမျှဝေထားတာတွေ့ရပါတယ်။
မူရင်းလင်ခ့် – KalayMyo MCRA | Archive link
၂၀၁၉ ခုနှစ် ဖေဖော်ဝါရီ ၁၇ ရက်မှာ ဘီဘီစီ သတင်းဌာနတွေကလည်း မင်းနန်သူရွာ ဘုန်ကြီးကျောင်းမီးလောင်မှု သတင်းဖော်ပြခဲ့တာကို ဒီလင့်ခ်မှာ ကြည့်နိုင်ပါတယ်။
သုံးသပ်ချက်
အထက်ပါအချက်အလက်အရ ပုဂံဘုရားများဗုံခွဲခံရတဲ့ ဓာတ်ပုံအဖြစ်မျှဝေနေတဲ့ ဓာတ်ပုံကို ၂၀၁၉ ခုနှစ် မင်းနန်သူရွာ ဘုန်းကြီးကျောင်းမီးလောင်မှုဖြစ်စဉ်က ဓာတ်ပုံဖြစ်တာတွေ့ရပါတယ်။
Title:၂၀၁၉ ခုနှစ်က ပုဂံမင်းနန်သူရွာ ဘုန်ကြီးကျောင်းမီးလောင်မှုပုံကို ပုဂုံမှာ ဘုရားကို ဗုံးခွဲဖျက်ဆီးမှုအဖြစ်ဖော်ပြ
Fact Check By: Nayar MaungResult: False
