Fact Check: ဦးဇော်ဌေး ထိုင်းကိုထွက်အပြေးတာဖမ်းမိတယ်ဆိုတဲ့ photoshop ဓာတ်ပုံ

False နိုင်ငံရေး

စစ်အာဏာသိမ်းအပြီးမှာ သမ္မတဦးဝင်းမြင့်အပါအဝင် ဒေါ်အောင်ဆန်းစုကြည်နဲ့ အမျိုးသားဒီမိုကရေစီ အဖွဲ့ချုပ်ပါတီ(NLD)က အလုပ်အမှုဆောင်တွေအဖမ်းခံထားရပြီး အရပ်ဖက်အဖွဲ့အစည်းက ဒီမိုကရေစီရေး တက်ကြွလှုပ်ရှားသူတွေဟာ ပုန်းရှောင်နေရပါတယ်။

ဒီလိုအခြေအနေမှာပဲ သမ္မတရုံးပြောရေးဆိုခွင့်ရပုဂ္ဂိုလ် ဦးဇော်ဌေး ထိုင်းကို ထွက်ပြေးစဉ်မှာ ဘောင်းဘီတစ်ထည့်ငွေသားအချို့နဲ့ ဖမ်းဆီးလိုက်တယ်ဆိုပြီး ပြန်လည်မျှဝေနေတာတွေ့ရပါတယ်။

တကယ်တော့ ဒီဓာတ်ပုံဟာ photoshop ဓာတ်ပုံတစ်ခုဖြစ်တာတွေ့ရပါတယ်။ ဒီနေရာနဲ့ ဒီနေရာမှာလည်းအလားတူမျှဝေထားတာတွေ့ရပါတယ်။

မူရင်းလင်ခ့် – Fb link  |  Archive link 

အချက်အလက်စိစစ်ချက်

ဓာတ်ပုံကို Yandex မှာ မှာပုံရှာနည်းအသုံးပြုပြီးရှာဖွေရာမှာ ဒီဓာတ်ပုံဟာ မြန်မာနိုင်ငံရဲ့ ယဉ်ကျေးမှု အကြောင်းဖော်ပြထားတဲ့ ရုရှားဘာသာနဲ့ ခရီးသွားဆောင်းပါးတစ်ပုဒ်က ပိုးလုံချည်ဝတ်အမျိုးသားတစ်ဦးရဲ့ ဓာတ်ပုံကိုအသုံးပြုပြီးအတုဖန်တီး ထားတာတွေ့ရပါတယ်။

မူရင်းလင်ခ့် –  Turbina.ruArchive link

၂၀၁၈ ခုနှစ်က ရုရှားဘာသာနဲ့ဆောင်းပါးမှာပါတဲ့ မူရင်းဓာတ်ပုံနဲ့ ဦးဇော်ဌေးအဖြစ်ပြုပြင်ဖော်ပြထားတဲ့ ဓာတ်ပုံကို အောက်ပါအတိုင်းယှဉ်ကြည့်နိုင်ပါတယ်။

သုံးသပ်ချက်

ရုရှားဘာသာနဲ့ ခရီးသွားဆောင်းပါးတစ်ပုဒ်က ပိုးလုံချည်ဝတ်အမျိုးသားတစ်ဦးရဲ့ ဓာတ်ပုံကိုအသုံးပြုပြီး ဦးဇော်ဌေးအဖြစ်ပြုပြင်ဖော်ပြထားတဲ့ဓာတ်ပုံဖြစ်ပါတယ်။

Avatar

Title:ဦးဇော်ဌေး ထိုင်းကိုထွက်အပြေးတာဖမ်းမိတယ်ဆိုတဲ့ photoshop ဓာတ်ပုံ

Fact Check By: Nayar Maung 

Result: False


Leave a Reply

Your email address will not be published. Required fields are marked *