Fact Check: ဘားလမ်းဘက်စ်ကားမှတ်တိုင်ဗုံးခွဲမှုနဲ့ပတ်သက်ပြီး People Defence Force Yangon(PDF)အမည်နဲ့ ထုတ်ပြန်ချက်အတု 

Misleading နိုင်ငံရေး

ယနေ့(၂၀၂၂ ခုနှစ်မေ ၃၁ ရက်) ရန်ကုန်မြို့လယ် ကျောက်တံတားမြို့နယ် ဘားလမ်းဘက်စ်ကားမှတ်တိုင် ဗုံးခွဲခံ ရမှုမှာ People Defence Force Yangon(PDF)က သူတို့လုပ်ရပ်ဆိုပြီးတော့ ထုတ်ပြန်ချက် ဓာတ်ပုံပို့စ်တစ်ခု ဖေ့စ်ဘွတ်မှာမျှဝေနေတာတွေ့ရပါတယ်။ တကယ်တော့ ဝါဒဖြန့် သတင်းတုပြုလုပ်ဖြန့်ချိနေခြင်းဖြစ် တာတွေ့ရပါတယ်။ ဒီဗုံးပေါက်ကွဲမှုမှာလူ ၁၀ ဦးထက်မနည်း ထိခိုက်ခဲ့ပြီး ၁ ဦးသေဆုံးခဲ့ပါတယ်။ 

 “၃၁-၅-၂၀၂၁ ရက်နေ့ ညနေ (၃)နာရီ (၂၀)အချိန် အစ္စလာမ်ဘာသာဝင် (၁)ဦး သေဆုံးပြီး (၉)ဦး ထိခိုက်ဒဏ်ရာရရှိခဲ့သည့် ရန်ကုန်မြို့၊ ကျောက်တံတားမြို့နယ်၊ အနော်ရထာလမ်း၊ ဘားလမ်းထိပ်တွင် ဖြစ်ပွားခဲ့သော ဗုံးကွဲမှုဖြစ်စဥ်နှင့် ပတ်သက်၍ People Defence Force Yangon (PDF) က ကြေညာချက်တစ်စောင် ထုတ်ပြန်ခဲ့သည်။”လို့ ရေးသားပြီး “Naing Thein Myint”အမည်နဲ့ဖေ့စ်ဘွတ်အသုံးပြုသူ အောက်ပါအတိုင်းမျှဝေ ထားပါတယ်။

မူရင်းလင်ခ့် – Fb linkArchive link  

တူညီတဲ့မျှဝေမှုတွေကို ဒီနေရာဒီနေရာနဲ့ဒီနေရာ မှာလည်းတွေ့ရပါတယ်။

အချက်အလက်စိစစ်ချက်

People Defence Force Yangon(PDF) အမည်နဲ့ မြေအောက်လှုပ်ရှားနေတဲ့အဖွဲ့မရှိတာတွေ့ရပါတယ်။ ပြီးခဲ့တဲ့နှစ်ထဲမှာလည်း ဒေါ်အောင်ဆန်းစုကြည်အမှုကိုရှေ့နေလိုက်ပေးနေတဲ့သူတွေကို သတိပေး စာထုတ်ဖူးတာတွေ့ရသလို လေးကေ့ကော်တိုက်ပွဲမှာ ကျဆုံးသွားတဲ့ NLD ရန်ကုန်တိုင်းလူငယ်အဖွဲ့ဝင် ကိုဗညားနဲ့ပတ်သက်တဲ့ သတင်းတုလည်းဖြန့်ခဲ့ပါသေးတယ်။ ထို့အပြင်မြေအောက်တော်လှန်ရေးအဖွဲ့အစည်းတွေရဲ့ ထုတ်ပြန်ချက်တွေကို လေ့လာကြည့်မယ်ဆိုရင် သူတို့ရဲ့ အမှတ်တံဆိပ်ကလွဲလို့ ဖုန်းနံပါတ်ကိုထည့်သွင်းဖော်ပြလေ့မရှိပါဘူး။ စစ်အာဏာသိမ်းအပြီးမှာ စစ်တပ်ရဲ့ စောင့်ကြည့်ထိန်းချုပ်မှုအောက်မှာရှိနေတဲ့ ဖုန်းကနေ ပြောဆိုဆက်သွယ်မှုတွေကို တော်လှန်ရေးအဖွဲ့အစည်းတွေ က ရှောင်ရှားပါတယ်။

“Naing Thein Myint”အမည်နဲ့ဖေ့စ်ဘွတ်အသုံးပြုသူဟာ စစ်တပ်ဝါဒဖြန့်ချိရေးအကောင့်တစ်ခုဖြစ်တာတွေ့ရပြီး NUG သို့မဟုတ် PDF ကိုတိုက်ခိုက်တဲ့ သတင်းတုသတင်းမှားမကြာခဏဖြန့်ချိလေ့ရှိတာတွေ့ရပါတယ်။ Fact Crescendo က အချက်အလက်စိစစ်ထားတာကို ဒီလင့်ခ်နဲ့ ဒီလင့်ခ်မှာကြည့်ပါ။

သုံးသပ်ချက်

အထက်ပါအချက်အလက်အရ ဘားလမ်းဘက်စ်ကားမှတ်တိုင် ဗုံးခွဲမှုမှာ PDF ကလုပ်တယ်ဆိုပြီးတော့ သတင်းတုဖြန့်ချိန်နေခြင်းဖြစ်တာတွေ့ရပါတယ်။

Avatar

Title:Fact Check: ဘားလမ်းဘက်စ်ကားမှတ်တိုင်ဗုံးခွဲမှုနဲ့ပတ်သက်ပြီး People Defence Force Yangon(PDF)အမည်နဲ့ ထုတ်ပြန်ချက်အတု

Fact Check By: Nayar Maung 

Result: Misleading


Leave a Reply

Your email address will not be published.